Карлос Саинц Јр. го извади максимумот од новиот мотор на Ферари во неговиот болид, за второто место и седмум поени на неговото конто, но исто така му донесе и казна од 5 стартни позиции.
Луис Хамилтон финишираше на третото место, но по казната на шпанецот во Ферари, тоа обезбеди прв стартен ред за Мерцедес АМГ на утрешната трка. Макс Ферстапен по 14-от круг имаше контролирана трка за минимизирање на штетата од предното крило.
Најверојатно во тимот ги преценија нивните можности, мислеа дека лесно ќе стигнат до П1, но реалноста беше поинаква, жолтите гуми се катастрофа, но нити црвените не донесоа многу за неговиот тимски колега.
Серџо Перез успеа да стигне само до петтата позиција, чувајќи го Чарлс Леклер зад себе. Ландо Норис, пак, беше најдобар од останатите на седмото место, пред Кевин Магнусен кој брзо падна на вистинското место за Хас Ф1.
Себастијан Ветел и Пјер Гасли ја комплетираа Топ 10 поредокот, од кој неочекувано и испаднаа возачите на Алпин, кои решија да се пресметаат помеѓу себе на штета на тимот. Фернандо Алонсо и Естебан Окон имаат значителни оштетувања на своите болиди.
Одлуки на Стјуардите:
- Пјер Гасли помина само со предупредување.
- Сите возачи со наводни прекршоци на стартната процедура се ослободени од вина.
- Пет секунди казна за Алонсо и два казнени поени за судирот со Естебан Окон.
