Ферари проба се што е можно со различна стратегија, успеаа да го обезбедат второто место за Чарлс Леклер, но при тоа уништувајќи ја трката на Карлос Саинц Јр..
Тоа го искористи Серџо Перез кој од П15 се искачи на подиумот, откако имаше убава борба со Карлос Саинц Јр., кој финишираше на четвртото место.
Луис Хамилтон премногу беше изнервиран од добиената казна од 5 секунди поради прекршување на лимитите на патеката, како и многу други возачи, меѓу кои Ландо Норис, Карлос Саинц Јр., по што седмото место беше највисок дострел за Мерцедес АМГ. Веднаш зад него заврши неговиот тимски колега, Џорџ Расел, на осмото место.
Пјер Гасли со болидот на Аплин и Ленс Строл во вториот Астон Мартин го заокружија Топ 10 пласманот, на оваа донекаде интересна трка, секако не за Победата, но за остантите места имаше особено блиска борба на патеката и во однос на тимските стратегии.
Со оваа победа, 42-ра, Макс Ферстапен ги надмина 41-те на Аиртон Сена и очигледно, уште еднаш ја зголемува својата огромна предност во генералниот пласман на возачи.
Следниот викенд Ф1 карванот се сели на Силверстоун за Големата Награда на Велика Британија, домашен терен за Мерцедес АМГ, Астон Мартин и останати.
Топ 10 резултати се променија, но победничкиот подиум останува како што беше!
Најголем губитник е Карлос Саинц Јр. кој од П4 падна на П6
Ландо Норис од П5 напредува на П4, Фернандо Алонсо од П6 на П5
Луис Хамилтон паѓа од П7 на П8, замена на местата со својот тимски колега
Пјер Гасли од П9 паѓа на П10, додека Ленс Строл од П10 доаѓа на П9
Сите казни на Големата Награда на Австрија
- Ник де Врис доби +5 сек. за туркање на ривал надвор од патеката.
- Логан Сарџент, Кевин Магнусен, Естебан Окон(х2), Ник де Врис, Јуки Цунода, донија по +5 сек. за лимити на патеката.
- Јуки Цунода, Карлос Саинц Јр., Луис Хамилтон, Пјер Гасли, Алекс Албон, Естебан Окон(х2), Ник де Врис,добија по +10 секунди за лимити на патеката.
