ЏЕСИКА ХОКИНС ГО ТЕСТИРАШЕ БОЛИДОТ НА АСТОН МАРТИН

Џесика Хокинс, амбасадорот на тимските возачи на Астон Мартин Ф1, минатиот четврток успешно го комплетираше нејзиниот прв Формула 1 тест за британскиот тим, возејќи го AMR21 на Хунгароринг.

28-годишната Британка, која е британски шампион во картинг и ученичка во пропадниот шампионат на Формула Ж, му се приклучи на тимот на Астон Мартин во 2021 година како возач-амбасадор.

Како што се прошири нејзината улога во тимот, во 2022 година, Џесика започна подготвителна работа на симулаторот во базата на тимот во Силверстоун, пред нејзиното деби во Ф1 болидот на Астон Мартин.

Минатата недела сета таа напорна работа се оствари бидејќи Џесика ја оствари животната амбиција да управува Формула 1 болид. Таа комплетираше неколку стинтови во AMR21, споделувајќи го болидот со тест и резервниот возач на тимот, Фелипе Другович.

Тестот претставува значаен момент во улогата на Џесика со Астон Мартин Ф1 тимот и нуди вредна перспектива како подготовка на влезот на тимот во шампионатот на Женската Ф1 Академија, кој започнува во 2024 година.

Џесика Хокинс, Возач-Амбасадор, на Астон Мартин: "Сакам да им искажам голема благодарност на сите во тимот што ја имаа довербата во мене, веруваа во мене и што ми ја дадоа оваа можност."

"Беше потребен голем напор за да стигнам овде. Кога првпат слушнав дека тоа е можно, не можев да поверувам. Морав да го чувам во тајност со месеци, што беше прилично тешко!"

"Апсолутно вредеше и ми даде навистина вреден увид. Ништо не може да се спореди со забрзувањето и сопирањето на Ф1 болид и, гледајќи ги податоците, навистина сум горда на моите перформанси."

"Да се вози AMR21 беше остварување на сонот за мене и кој бев подготвена да го исполнам. Ќе продолжам да се залагам за повеќе и, во тој процес, сакам да инспирирам други жени и да им дадам до знаење дека треба да го следат својот сон без разлика каков да е тој."

Мајк Крек, тимски шеф: "Ова е посебен момент, и за Астон Мартин Ф1 тимот и за Џесика, која е важен член на нашиот тим на возачи. Бевме навистина импресионирани од подготовката на Џесика за тестот, таа работеше неверојатно напорно на нашиот симулатор и тоа ја направи лесна одлука да ја ставиме во AMR21."

"Џесика ѝ пристапи на приликата со голема зрелост, таа беше добро подготвена и најде убав ритам. Ова беше многу значаен момент во патувањето на Џесика со тимот, и задоволен сум што можевме да и го дадеме следниот чекор во нејзиното развојно патување со тестирање на модерен Формула 1 болид."

Роберт Сатлер, директор на програмата за еволуција: "Џесика се истакна на својот прв Ф1 тест. По инсталациониот круг имавме мало доцнење бидејќи патеката беше погодена од силен дожд. Тоа резултираше со "зелена" патека и на нејзиното прво излегување се уште имаше влажни места на асфалтот во неколку свиоци."

"Џесика прогресивно ја зголемуваше брзината на незгодната патека додека беспрекорно управуваше со сложеноста на AMR21. Нејзините повратни информации беа прецизни и во корелација со нашите податоци."

"После три стинтови, патеката се исуши и таа веќе ги постигнуваше референтните времиња по круг. Генерално, Џесика изведе одлична тест програма со многу професионален став и се надеваме дека наскоро ќе ја видиме повторно во болидот."