МАКС ФЕРСТАПЕН НА ПРАГОТ НА ЕЛИТНИОТ КЛУБ 50

Во целата историја на Формула 1 има само четворица возачи кои успеале да забележат 50 или повеќе Победи, а првиот член на овој елитен клуб бил Алан Прост.

Четирикратниот Ф1 Шампион има 51 Победа во текот на својата прилично долга кариера, а победата на 50-та трка ја забележа во 1993 година, кога веќе имаше 38 години.

Затоа, за ден на отворање на "Клубот 50" може да се смета за 11 јули истата година, кога тој се искачи на највисокото скалило на победничкиот подиум во Силверстоун, во неговата 192-ра трка.

До него на подиумот тој ден стоеше младиот Михаел Шумахер, кој имаше само една победа во тоа време, но тој стигна до јубилејната 50-та Победа многу побрзо од Прост, му беа потребни 154 трки.

Идниот седумкратен Ф1 Шампион ја освои својата 50-та победа на 1 јули 2001 година на Големата Награда на Франција, а тогаш имаше 32 години.

Се разбира, следните два Формула 1 возачи кои се приклучија на овој клуб беа Луис Хамилтон и Себастијан Ветел.

Луис имаше 31 година кога се натпреваруваше во својата 185-та трка во Остин во 2016 година, што кулминираше со неговата 50-та Победа. Сега возачот на Мерцедес АМГ веќе има 103 победи и ова, се разбира, е фантастичен рекорд.

Себастијан Ветел беше на иста возраст кога се натпреваруваше на неговата 205-та трка, а таа Победа во Канада во 2018 година беше 50-та во неговата кариера.

Макс Ферстапен ќе стане петтиот и најмладиот член на клубот 50, откако го прослави својот 26-ти роденден пред помалку од еден месец.

Победата во Катар беше 49-то вакво достигнување во неговата кариера од 180 трки, а викендов во Остин би можел да стигне до највисокото скалило на подиумот по 50-ти пат. Токму тој е победник на последните две трки во Остин, Тексас.

Покрај тоа, најверојатно само пет возачи ќе останат во "Клубот 50" долго време, иако меѓу учесниците во 2023 шампионатот, секако има момци кои многу ветуваат.

Чарлс Леклер досега има само 5 Победи, Карлос Саинц Јр. две, Џорџ Расел една, Ландо Норис и Оскар Пјастри нити една, но имаат потенцијал да се натпреваруваат во Формула 1 уште долго време.

Но, прашање е дали ќе имаат можност да возат толку доминантни болиди, ремек дела на своите дизајнери, како Мерцедесите од W05 до W12, 7 сезони без конкуренција, на Луис Хамилтон. Истото важи и за возачите од други тимови.

Моментално на Макс Ферстапен, неговиот RB19 му овозможува да победи на која било патека и во какви било услови, но ова не се однесува само на техничкиот аспект: според многу авторитетни експерти, холанѓанецот е еден од најбрзите Ф1 возачи кој воопшто нема слабости.

За кого и дали воопшто ќе биде достапен клубот 100, кој го отвори Луис Хамилтон на 26 Септември, 2021 година, со победата во Сочи, Русија останува да почекаме да видиме, но тоа сигурно нема да биде за брзо време.

Секако најголемите шанси ги има Макс Ферстапен, доколку Адријан Њуи продолжи да дизајнира доминантни болиди во следните сезони на Ф1 Шампионатот. На двајцата возачи многу им помага фактот што во една сезона гледаме многу трки, која што во последно време ја достигна бројката 24.