Британецот беше дел тимот 11 години и беше еден од најзначајните лица одговорни за успесите постигнати од 2014 до 2021 година, седум титули кај возачи и осум последователни титули кај конструктори.
Но, последните две сезони не беа особено успешни за Мерцедес АМГ, и тоа доведе до размена на улоги помеѓу Елиот и Џејмс Алисон. Сега, Мајк одлучи да го напушти тимот со моментален ефект.
"Иако во последните две сезони не победуваме на трки , во текот на изминатите шест месеци, уживав во развивањето на техничката стратегија за која се надевам дека може да ги обезбеди темелите на следниот циклус на успех на тимот."
"Одлучив дека сега е вистинското време да го направам мојот следен чекор надвор од Мерцедес АМГ, прво ќе паузирам и одморам, по 23 години работа во овој спорт, а потоа да го најдам мојот следен предизвик."
"Но, од друга страна, јасно е дека тој е подготвен за нови авантури надвор од Мерцедес AMG, така што знам дека ова е вистинскиот чекор и за него. Тој го напушта тимот денес со нашата благодарност за напорот, посветеноста и експертизата што му ги донесе на тимот во изминатите 11 години и нашите најдобри желби за иднината."
Останува нејасно дали Елиот ќе биде заменет со некого или неговата позиција ќе се укине. Мерцедес АМГ моментално е втор во шампионатот на конструктор, со 22 бода повеќе од Ферари со три трки до крајот на 2023 сезоната.
Тимот веќе е фокусиран на својот болид за 2024 година, а Ендрју Шовлин, веќе рече дека болидот за следната година ќе има значителни промени додека се обидуваат да се вратат на победничките патеки.
