Во новосоздадената улога, тој ќе го надгледува техничкиот оддел со седиште во Енстон и ќе има целосна одговорност за перформансите, инженерството и аеродинамичните области на болидот.
Дaвид ќе "шефува" со трите клучни области кои се неодамна се формираа во техничка структура на Алпин, при што Сиарон Пилбим, технички директор - перформанси, Џо Бурнел, технички директор - инженерство и Дејвид Витер, технички директор - Аеродинамика.
Французинот ќе му се приклучи на тимот денес и ќе одговара пред тимскиот шеф, Бруно Фамин.
Санчез ја започна својата кариера во Формула 1 во Енстон како помлад аеродинамичар за тимот на Рено Ф1 во 2005 година, истата година кога тимот ги освои шампионските титули кај возачите и конструктори.
Тој со себе носи богато искуство работејќи за врвни тимови во Формула 1 со успешни ангажмани во Мекларен и Ферари. Тој остана во Маранело повеќе од 10 години каде го водеше одделот за аеродинамика.
"Овој тим отсекогаш имал толку многу фантастични луѓе и очигледно има толку многу потенцијал за отклучување. Имаме голема задача пред нас да ги подобриме перформансите на патеката и токму овој тип на предизвик ме мотивира."
"Подготвен сум да започнам и со нетрпение очекувам повторно да работам со техничките тимови на Енстоун-Вири со единствена цел да го вратам редовниот успех на овој голем тим."
Бруно Фамин, тимски шеф и потпретседател на Алпин мотоспорт: "Среќен сум што можам да му посакам добредојде на Дaвид назад во Енстон, каде што ја започна својата кариера во 2005 година."
"Ова е клучна аквизиција како би биле сигурани дека оптимизиравме сè што можеме како тим, фокусирајќи се на вистинските области за зголемување на нашите перформанси."
"Јасно е дека потфрливме на овој план, во однос на нашите амбиции како тим. Со нетрпение очекуваме да му посакаме добредојде на Давид и да работиме напорно заедно за да го постигнеме конечниот успех."
