Патеката сега со главното обележје во форма на авионско крило на стартно-целниот правец, не е ни малку слична на трускавиот аеродром на кој се одвиваше инаугуративната трка, но сепак останува чувството дека сте на посебно место.
Таа останува домаќин на Големата Награда на Британија до 1954 година, кога го дели настанот со Ајнтри од 1955-1962 година, а од 1963-1986 со Брендс Хеч. Од 1987 година па наваму Силверстоун е единственото место за одржување на овој настан.
Силверстоун е брзa, флуидна пaтека која e комбинација од брзи свиоци на почетокот и голем број на бавни свиоци кон крајот на кругот. Maggots, Becketts and Chapel се издвојуваат како едни од најсложените комбинациии на свиоци во шампионатот.
Постојат многу брзи свиоци кои овозможуваат одлични можности за претекнување. Возачите можат да пренесат многу брзина во нив, но, исто така, и да се движат по различни линии при нивното поминување и при излезот, што во суштина е она што доведува до претекнување.
Возачите за загревачкиот круг ќе тргнат во 15 часот по локално време, кога ќе имаме делумно облачно време, а воздухот ќе се загрее до 15 степени со слаб западен, југозападен ветер.
Веројатноста за дожд за време на стартот на трката е 41% и се зголемува како таа одминува, за да порасне на 80% по еден час од стартот.
Црвените гуми може да бидат преферирани за старт на трката, а теоретски, најбрзата стратегија ќе биде следен стинт на жолтите гуми по 18-24 изминати круга.
За оние кои ги преферираат белите гуми, стратегијата би можела да биде црвени-бели, што исто така е лесно остварливо. Првичниот стинт на црвените гуми ќе биде пократок и ќе може повеќе да се форсира болидот. Белите ќе се монтираат во период од 16-22 круг.
Како и секогаш, стратегијата зависи и од тоа кои гуми им се преостанати на возачите, и какви ќе бидат временските услови.
Колку се пониски температурите, толку повеќе се фаворизираат помеките смеши. Единстено добитна варијанта според Пирели е едно застанување во бокс, па така трката може да се стартува на жолтите гуми, па по 30-36 круга да се премине на црвените гуми.
Можна, но малку побавна од понудените опции е стратегијата жолти-бели, во која белите се монтираат од 24-30 круг
"Во услови прилично слични на оние на минатогодишните квалификации овде, видовме дека времињата се намалија за околу една секунда, потврдувајќи колку е голем развојот на болидите од една година во друга, имајќи предвид дека гумите се целосно идентични со оние што се користеа во Силверстон во 2023 година."
"Голема непозната ќе биде времето. Ако, како што се прогнозира, треба да врне дожд и патеката е влажна во текот на целото време, како што беше случајот на саботниот тренинг, сите тимови имаат доволно комплети на зелени и сини гуми за да ја извозат трката со две застанувања во бокс."
"Меѓутоа, ако патеката е сува, тогаш стратегијата со едно застанување е најбрзо на хартија, при што сите три смеши се остварливи. Стратегијата C3/C2 е малку побрза отколку од C3 на C1, додека стратегијата без црвените гуми дава поголема флексибилност."
Болидот на Ферстапен беше 15-ти, тој доби нов издувен систем. Пјер Гасли ја надмина границата на дозволени замени и ќе стартува последен, сите други замени се планирани и нема да бидат казнети.
Очекувано, по дебаклот на Чеко на квалификациите, неговиот тим се реши да ги замени елементите на Хонда ПЕ во неговиот болид. Мексиканецот доби нов мотор, единица за складирање енергија(акумулатор), контролна електроника и издувен систем.
За да го направат тоа, механичарите на тимот мораа да го прекршат правилата на затворениот паркинг, па Перез ќе стартува од пит-линијата како казна. Во квалификациите Серџо ја имаше П19, па казната практично нема да има ефект.
Исто како и пред една година, лидерот е очигледен, но ако Ферстапен доминираше на првите трки, следуваше ескалирање на ситуацијата, се појави борба која стануваше се поинтересна со секоја измината трка.
Постои чувство дека доминацијата на Ред Бул згаснува, напредокот на нивните ривали е очигледен. Со стабилни регулативи, конкуренцијата секогаш станува поинтензивна со текот на годините.
Во четирите месеци од почетокот на сезоната, Мекларен направи значителни подобрувања, Мерцедес АМГ реши неколку клучни проблеми, но во Ферари се вратија на вертикалните осцилации кои го уништуваат нивното темпо.
Во Шпилберг, разликата помеѓу најбрзиот и последната позиција во Q1 сесијата од квалификациите беше само 0.798 секунди, никогаш досега во историјата на Формула 1 конкуренцијата не била толку густа.
Некогаш, неограниченото финансирање му дозволуваше на богатите тимови да ги привлечат најдобрите инженери во неограничен број.
Сега со ограничените буџети инженерите на кои ќе им се довери развојот на болидите треба добро да се одберат. На кој да му дозволи да замине, кој не е толку потребен.
Сепак, на Формула 1 и треба Ред Бул, бидејќи тоа се два тима одеднаш, а едноставно нема кој да ги замени. На Ред Бул му е потребна Формула 1 поради маркетингот. Значи Хорнер не е во опасност, барем додека тимот настапува успешно.
Седум од десетте Формула 1 тимови се сместени овде. Речиси е невозможно да се привлече персонал во Италија, Швајцарија или САД, дури и за многу пари.
Друга традиција е променливото време. Во 2000 година, трката беше преместена во април, а за време на викендот патеката беше толку поплавена што гостите на престижниот падок клуб беа буквално до колена во кал. Сообраќајниот метеж достигна дваесет километри.
Оваа приказна е далеку зад нас, донесени се потребните заклучоци, а новите сопственици на Формула 1 и челниците на BRDC најдоа заеднички јазик, така што трката ќе остане во календарот заклучно со 2034 година.
