Тоа беше 26-та ГН на Јапонија и 16-та и претпоследна трка од Формула 1 Шампионатот во 2000 година. Михаел Шумахер со болидот на Ферари победи на трката стартувајќи од Пол позицијата. Мика Хакинен и Дејвид Култхард од Мекларен завршија на второто и третото место.
Победата на Шумахер значеше обезбедување на Шампионската Титула во пласманот на возачи во таа 2000 година. Само Михаел Шумахер и Хакинен беа во конкуренција за освојување на титулата кај возачите. Шумахер пред трката имаше предност од осум поени.
Ферари го предводеше Мекларен во шампионатот на конструктори со десет поени разлика.
Хакинен ја започна трката од првиот стартен ред, заедно со Михаел Шумахер. Германецот се обиде да го одбрани водството со префрлање кон надворешната страна на патеката кон позицијата на Хакинен, но Финецот го мина Михаел Шумахер во првиот свиок.
Михаел Шумахер го претекна Хакинен за време на вториот круг на застанувања во боксот. Тој ја задржа својата предност пред Хакинен до крајот на трката за да ја забележи својата осма победа во сезоната.
Многу поединци од Формула 1 го пофалија Михаел Шумахер, вклучително и поранешниот шампион Џоди Шектер и претседателот на Ферари, Лука ди Монтеѕемоло, но беа критикувани од поранешниот италијански претседател Франческо Косига за неговото однесување на подиумот за време на интонирањето на италијанската национална химна.
