Моначанецот ги победи Ландо Норис и Оскар Пјастри за една десетинка, но тие остануваат фаворити за спринт квалификациите кои започнуваат во 18:30 часот по македонско време.
Во Катар го имаме шестиот и последен тркачки викенд со спринт форматот. Единствената тренинг сесија се одржа во услови кои ќе бидат многу различни од двете квалификациони сесии и неделната трка, но времето ќе биде многу слично на утрешниот спринт.
Жолтите гуми беа избрани за старт на тренинг сесијата за сите возачи, освен четворица, дуото на Ферари и Вилијамс. И покрај ова, Чарлс Леклер беше тој што ја водеше првата половина од сесијата на белите гуми со 1:23.702, иако имаше уште многу перформанси што требаше да се извлечат од сите болиди.
Лусаил е патека која нуди многу простор за грешки на возачите и затоа, тие можат многу лесно да ги откријат лимитите на своите болиди. Имаше неколку излетувања надвор од патеката, но без никакви штети по болидите.
Мекларен беше резервиран, што е вообичаено за овој тип на тренинг сесии. Во секој случај, тимот од Вокинг ќе ги стартуват спринт квалификациите како јасни фаворити.
Чарлс Леклер беше најбрзиот возач и на најмеката смеша, единствен спуштајќи се под границата 1:22.000. Моначанецот со предупредување до возачите на Мекларен, но Норис и Пјастри не комплетираа втор и останаа со само еден без круг, што беше доволно за да бидат втор и трет.
На оваа смеша на Пирели Карлос Саинц Јр. го немаше темпото на својот тимски колега и беше четврти, што укажува дека Мекларен и Ферари би требало да атакуваат со сите сили во борбата за шампионската титула во конструктори.
После нив, бележиме изненадувачки имиња како Јуки Цунода на петтото место и Валтери Ботас на шестото. Ленс Строл беше седми, со Џорџ Расел осми и Алекс Албон деветти.
Тројцата шампиони беа веднаш зад нив, со Луис Хамилтон кој го комплетираше Топ 10 поредокот, Макс Ферстапен беше единаесетти и Алонсо дванаесетти, но сè уште никој не го кажал последниот збор.
ПРИЈАВЕНИ НОВИТЕТИ ЗА КАТАР
