ХАМИЛТОН ДОМИНИРА ВО ЕДЕН КРУГ, МЕКЛАРЕН И ФЕРАРИ СО ДОБРО ТРКАЧКО ТЕМПО

Луис Хамилтон доминираше на петочните тренинг сесии во Лас Вегас, лесно беше најбрз на првиот и вториот тренинг.

Но, според тркачкото темпо, се чини дека Ферари и Мекларен имаат предност. Се очекува битката да биде многу блиска.

На градската патека во Лас Вегас, со слични карактеристики како Баку, се очекуваше пресметка меѓу Ферари и Мекларен, бидејќи Оскар Пјастри и Чарлс Леклер ни понудија одлично шоу на трката во Азербејџан.

И, барем според она што го видовме на првите две тренинг сесии, се чини дека така ќе биде. Зад нив се Мерцедес АМГ и Ред Бул.

Според гласините Австријците дошле со погрешно задно крило кое им носи дефицит од 6 десетинки на правците, барем на тренинзите. Според Хелмут Марко, ново не е возможно да се донесе, бидејќи го немаат.

Значи, Хамилтон доминираше во еден брз круг, но тркачкото темпо беше друга приказна, а во водство беа Ферари и Мекларен.

Ова беа круговите на возачите на Мекларен и Ферари:

Норис: 38.834, 38.208, 43.879, 38.773, 41.144, 40.794, 46.449.

Пјастри: 38.163, 37.395, 38.268, 38.347, 38.653, 39.406, 39.573.

Саинц Јр.: 39.089, 38.866, 38.368, 38.777, 37.852, 42.731, 38.513, 40.204.

Леклер: 38.410, 38.363, 37.967, 39.488, 39.466, 47''425, 38.607.

Априори, може да изгледа дека Ферарите се побрзи, но мора да се каже дека Мекларен наиде на сообраќај, особено Ландо со Франко Колапинто и, ако ги игнорираме лошите кругови, просечното темпо на Пјастри беше 38.543 и Саинц Јр со 38.577. Леклер и Норис заостанаа минимално зад нив.

Сега да ги погледнеме времињата на Мерцедес АМГ и Ред Бул:

Расел: 40.592, 39.772, 38.902, 38.576, 38.148, 39.086, 40.879, 39.334, 38.807, 38.907.

Хамилтон (црвени): 39.388, 38.651, 38.678, 38.912, 41.411.

Ферстапен: 39.524, 38.955, 38.504, 38.187, 38.521, 48.285, 41.341, 39.477, 40.104.

Перез: 40.605, 39.200, 38.863, 38.840, 38.560, 38.635, 38.393, 40.889, 39''028.

Треба да се напомене дека, меѓу овие четворица, најконстантно темпо е она на Серџо Перез, со просечни 38.788, неколку илјадитинки пред Расел, Ферстапен и Хамилтон. Луис беше единствениот на црвените гуми.

Односно, ги имаме Мекларен и Ферари кои се борат во илјадити дел од секундата за да бидат најдобриот тим во Лас Вегас и, чекор поназад, Мерцедес АМГ и Ред Бул го прават истото за да бидат трет тим.

Почнувајќи од утре, способноста на возачот да комплетира добар круг ќе влезе во игра, а во недела ќе дојде до израз менаџирањето на гумите, односно минимизирање на грејнингот, кој се јавува поради студениот асфалт.

Дали ова ќе се покаже како точно ќе дознаеме утре по завршување на квалификациската сесија, која е закажана за 07:00 часот по македонско време.