Британецот ја забележа неговата седма пол позиција во сезоната и попладнево ќе ја започне трката од најпосакуваното место, додека Макс Ферстапен ќе старува 17-ти, откако беше елиминиран во Q2 сесијата.
Многу болиди завршија во заштитните бариери, па механичарите ќе имаат многу работа да го подготвар до стартот на трката, закажан за 16:30 часот по македонско време.
Како и обично, времињата значително се подобруваа како одминуваше сесијата, иако Q1 сесијата беше прекината со преостанати осум минути, кога Франко Колапинто излета во Сена С свиокот и таму завршија неговите квалификации.
Ова влијаеше на круговите на неколку возачи, кои мораа да намалат и беа компромитирани за последниот дел од сесијата.
Во времето на црвеното знаме дождот малку се засили и не беше така лесно да се подобрат времињата.
Најголема жртва беше Луис Хамилтон, кој испаѓа во Q1 по втор пат во последните три квалификации. Британецот, кој се пожали дека болидот не може да се вози, заостана две секунди од времето на Џорџ Расел и беше многу вознемирен по новиот кикс.
Оливер Берман и Нико Хулкенберг исто така испаднаа со болидите на Хас, како и Џоу Гуанју кој е претплатен за последната позиција. Франко Колапинто беше петтиот елиминиран возач.
Оскар Пјастри беше еден од похрабрите и неговите времиња беа подобри од очекуваното, нешто што ги натера останатите возачи да се упатат во бокс за да ги стават истите гуми.
Првиот круг со зелените гуми не е лесна задача,а тоа на потешкиот начин го научи Карлос Саинц Јр., кој ја загуби контролата врз болидот, речиси на истото место како и Колапинто претходно, т.е. двојниот Сена С свиок, веднаш по стартниот правец и заврши во заштитните бариери покрај патеката.
Неговиот SF24 беше оштетен и мораше да се отстрани од патеката, по што беа развеани црвените знамиња.
Кога се рестартираше сесијата, имаше возачи кои беа во зоната за испаѓање, меѓу кои и двата болиди на Ред Бул. Сесијата се искомплицира уште повеќе кога и Ленс Строл заврши во бариерите и предизвика уште едно црвено знаме.
Претходно, двојните жолти знамиња го спречија брзиот круг на Макс Ферстапен, што на крај го чинеше испаѓање во Q2 сесијата. Него му се придружи и Серџо Перез. Холанѓанецот има казна од 5 стартни позиции и ќе останува од П17.
Валтери Ботас беше пред двајцата на П11, но, исто така беше елиминиран, а на таа група се придружи и Пјер Гасли.
Карлос Саинц Јр., кој имаше излетување, не ја помина сесијата, но Ленс Строл и покрај излетувањето успеа да напредува до Q3, иако логично, немаше да може да постави време.
Девет возачи требаше да се натпреваруваат за Пол позицијата. Овој Q2 сегмент одигра многу добро за интересите на Мекларен, со тоа што ги имаа двата болида во Q3, додека двата Ред Була беа надвор од квалификациите, плус еден болид на Ферари.
Но, патеката беше лизгава, па веднаш имавме развејување на црвените знамиња. Четвртиот прекин беше по заслуга на Фернандо Алонсо. Шпанецот изгуби контрола над својот AMR24 во Мергуљо свиокот и неговата сесија беше завршена.
Возачите на Мекларен и Алекс Албон ги имаа најбрзите времиња. Тајланѓанецот беше добро позициониран, и мислеше дека има уште потенцијал во својот Вилијамс. Но, кога сесијата беше рестартирана, веднаш штом го започна својот нов брз круг, ја загуби контролата над болидот при сопирање за првиот свиок и се заби во заштитните барери.
Црвеното знаме што го предизвика беше петто и последно во денот, целосно оштетувајќи го FW46. Механичарите на Вилијамс потврдија за Скај Ф1 дека Тајланѓанецот нема да учествува на попладневната трка, со оглед на тоа дека претрпената штета е непоправлива до почетокот на трката во 16:30 часот по македонско време.
Акцијата се врати за околу пет интензивни минути активност на патеката, која продолжи да се подобрува. Секоја грешка скапо се плаќаше, а тоа го искуси и Пјастри, кој не се подобри во ниту еден од двата брзи круга и од третата позиција падна на осмото место.
Неговиот тимски колега, Норис, со одлично темпо го забележа најбрзото време, доволно за Пол позицијата, иако со само десетинка предност пред брилијантниот Џорџ Расел, кој неочекувано беше најдобар во последните моменти од сесијата.
Британецот имеше изненадувачко време, но што да се каже за Јапонецот во тимот на РБ. Уште поголемо изненадување е неговата трета стартна позиција, со која го забележува неговиот најдобар пласман во квалификациите.
Добар беше и Естебан Окон со четвртата стартна позиција, како и Лиам Лосон на петтата. Чарлс Леклер не можеше да го контролира својот Ферари и можеше само до П6.
Албон заврши седми, но нема да го земе тоа место на гридот, бидејќи нема да може да се трка попладнево. Пјастри го наследува седмото место, а Алонсо и Строл, деветти и десетти во овој пласман, исто така, ќе стартуваат едно место погоре.
