На помалку од еден месец до крајот на сезоната, борбата за титулите остануваат отворени, а по денешниот невообичаен пласман на квалификациите ќе бидат уште понеизвесни.
Веќе четврта година, трката во Бразил е применувана во Голема Награда на Сао Пауло, како и во Мексико, се покажа дека е полесно да се најде финансирање на локално ниво отколку на државно ниво.
И ако Големата Награда на Бразил во Сао Пауло секогаш беше на работ на откажување поради повеќе причини, тогаш Големата Награда на Сао Пауло е целосно успешен настан.
Бразилската јавност не е ништо помалку емотивна од мексиканската и подобро ја разбира Формула 1. Штета е што на повидок се уште нема наследник на легендарниот Аиртон Сена, но за тоа е потребен талентиран возач и богат покровител.
Хозе Карлос Паче е една од неколкуте патеки каде се вози спротивно на стрелките од часовникот.
Таа се состои од кривулест дел помеѓу свиоците 6 и 12, со три долги правци помеѓу свиоците три и четири, пет и шест, и после 14-от свиок до почетната "S"(Сена) шикана. Воедно, завршетокот на трето споменатиот правец е најидеалното место за претекнување.
Како и при секој тркачки викенд инженерите треба да најдат добар сет-ап на болидот со компромис на потисната сила која е посакувана низ тесниот и кривулест дел, но, непосакувана на правците, каде што болидот треба да постигне што е можно поголема максимална брзина.
Како и секогаш во Ф1, деталите се тие што ја прават разликата, а ризикот од сообраќај и излегување на безбедносното возило исто така се фактор на брзата и компактна патека Интерлагос. Временските услови најавуваат влажна трка, а тие се најинтересни за нас гледачите, но ноќна мора за тимовите кои треба да ја погодат вистинската стратегија и што е поважно одлуките да се донесат во вистинскиот момент.
Додека се поправаше болидот на Карлос Саинц Јр. по излетувањето во квалификациите, Ферари одлучи да ја замени ПЕ и менувачот. Со тоа се прекршува режимот на затворен паркинг, па Шпанецот ќе стартува од пит-линијата.
Механичарите на Алекс Албон не успеаја да го поправат болидот на Вилијамс и тој нема да ја стартува трката, П7 ќе остане празно.
