ХАС СЕ ПОДНОВИ СО НОВ МОТОДОМ

Тимот на Хас денес го претстави новиот мотодом, кој ќе служи како база на тимскиот персонал, неговите партнери и гости во текот на европските трки од Формула 1 шампионатот.

Мотодомот е уште еден пример за стратешка инвестиција од страна на тимот во последните месеци за максимизирање на потенцијалот на тимот, како на патеката, така и надвор од неа, како и подобрување на условите за медиумите, партнерите, гостите и ВИП личностите.

Хас Ф1 ја слави својата десетта сезона во спортот, па зголемениот капацитет на мотодомот и најсовремените карактеристики се усогласуваат со растот и амбициите на тимот за иднината.

Естетиката на мотодомот е опишана како рафинирана елеганција, а тој ќе се издвојува во Ф1 падокот по тоа што секое ниво е независно едно од друго, што значи дека камперот може да се користи во различни облици и да се прошири за настани на и надвор од патеката, нешто што добавувачот Schuler никогаш порано не го дизајнирал.

Еден кат е посветен на тимскиот персонал, вториот е кат за гости и забава. Сите сали за состаноци и канцеларии имаат врвна комуникациска опрема, осветлување, висококвалитетен систем за филтрирање на вода и кујна по мерка.

Ајао Комацу, тимски шеф на Хас: "Претставувањето на нашиот нов мотодом е значаен настан за сите нас. Додека ја славиме нашата десетта сезона во Формула 1 и продолжуваме со добра форма, нашиот нов мотодом е изјава за намера за нашите вработени, партнери и фанови. Ова е многу возбудливо време да бидеме дел од тимот на Хас Ф1."

Благодарение на ефикасноста на работна група за овој проект, неговото создавање траеше само 14 месеци од првиот предлог до неговото официјално деби на трката за Големата Награда на Емилија Ромања.

Мотодомот ќе се транспортира со камиони придвижувани со HVO (хидротретирано растително масло) одржливо гориво.