Оскар Пјастри и Ландо Норис успеаја да го престигнат Макс Ферстапен на патеката со навредлива супериорност, па 1-2 финишот беше неизбежен. Џорџ Расел го комплетираше подиумот, искористувајќи го виртуелното безбедносно возило.
На оваа трка се гледаше дека Ферстапен не може да држи чекор со Мекларените, а дождот можеше да биде негов голем сојузник, но тој не дојде и четирикратниот шампион не беше во можност да ги запре MCL39-ките, кои денес се движеа како авиони.
Пјастри беше похрабар во дуелот со Макс, а на Норис му требаше подолго време да се ослободи од Холанѓанецот, па Австралијанецот се здоби со значителна предност пред својот тимски колега, 8 секунди, што му ја овозможи неговата трета последователна Победа, шеста во Формула 1.
Неговата предност во генералниот пласман се зголеми на 16 поени.
Понатаму, виртуелното безбедносно возило беше благодет за Џорџ Расел, а катастрофа за Макс Ферстапен, кој чувајќи се од Кими Антонели, беше престигнат од Џорџ Расел низ боксевите за пласман на подиумот.
Алекс Албон за 5-тото место ги победи возачите на Ферари и Кими Антонели кој како и Ферстапен немаше среќа со воведувањето на виртуелното безбедносно возило.
Карлос Саинц Јр. го обезбеди деветтото место, а Јуки Цунода и покрај казната од 5 секунди за пребрзо возење во боксевите го освои последниот достапен поен на оваа трка.
Денес, заканата од дожд беше присутна, но тој дојде порано, а за време на трката имавме сув асфалт. Во тој случај од Пирели предвидоа стратегија со еден пит-стоп.
Кими Антонели се искачи на второто место, пред Оскар Пјастри, Џорџ Расел и Алекс Албон. Карлос Саинц Јр. падна на седмото место.
Џек Дуан заработи дупната гума по судирот со Лиам Лосон и мораше да го паркира својот Алпин. Тркачкиот директор одлучи да воведе режим на виртуелно безбедносно возило.
Карлос Саинц Јр. исто така го помина својот тимски колега во петтиот круг. Кратко потоа, во седмиот круг, Ландо Норис го престигна Џорџ Расел и се насочи кон Кими Антонели, кого го престигна во деветтиот круг.
Двата Мекларена веќе го следеа Макс Ферстапен, а возачите на Мерцедес АМГ беа под закана од болидите на Вилијамс. На тимските радија се дискутираше за можното доаѓање на дождот.
Оскар Пјастри веќе подолго време беше во можност да го користи ДРС-системот во биткта со Макс Ферстапен, а зад него, Ландо Норис забрзано ја намалуваше разликата до нив.
Карлос Саинц Јр. имаше интензивна битка со Џорџ Расел, кој се обидуваше со сите сили да ја задржи својата позиција.
Исто така и Ландо Норис веќе беше залепен зад болидот на Ред Бул, но му требаше релативно долго време да го престигне Макс, дополнителни 4 круга, што му озвоможи на Оскар да избега нешто повеќе од осум секунди.
Оттогаш, болидите на Мекларен почнаа да го наметнуваат своето неверојатно темпо. Малку по малку, предноста на Пјастри и Норис во однос на Ферстапен растеше сè повеќе.
Антонели и Расел се обидоа да останат блиску до Холанѓанецот, додека Чарлс Леклер се приближи до Карлос Саинц Јр. кој го изгуби шестото место од својот тимски колега.
Понатаму, Луис Хамилтон и Естебан Окон ни дадоа одлична битка за десеттото место.
Следува откажување на Ферари ПЕ во болидот на Оливер Берман, кој мораше да го паркира болидот покрај патеката, по што следуваше нов период на виртуелното безбедносно возило.
Тоа добро им дојде на возачите на Мекларен, Џорџ Расел, Чарлс Леклер, Луис Хамилтон, кои ја искористија можноста да имаат скратен пит-стоп и да добијат на време. Џорџ Расел го доби трето место на Ферстапен.
По застанувањата во боксот, Мекларените беа во друга лига, сега со Џорџ Расел зад нив, пред Макс Ферстапен и Алекс Албон, кој го престигна Кими Антонели. Карлос Саинц Јр. го престигна Чарлс Леклер во првиот свиок за седмото место.
Неколку круга подоцна, во 33-от круг, уште едно виртуелно безбедносно возило, поради откажување на уште една Ферари ПЕ, овој пат во болидот на Габриел Бортолето.
При рестартирањето на трката, Карлос Саинц Јр. се најде во небрано и беше претекнат од двата болиди на Ферари во првиот свиок.
Беше очигледно дека, Луис има поголема брзина, а стратезите на Ферари се двоумеа дали да наредат смена на позиции.
"Ова не е добра тимска работа", се пожали Британецот на тимското радио.
Беа потребни неколку кругови, Ферари да донесе одлука и побара промена на позициите од своите возачи.
Но, Луис Хамилтон, кога имаше чиста патека пред себе, исто така немаше многу поголема брзина од својот тимски колега и се чинеше дека не е во позиција да го стигне Кими Антонели.
Ландо Норис возеше навистина брзо во последниот дел од трката и се доближи на четири секунди од својот тимски колега на десет круга до крајот, а Макс Ферстапен се доближи под две секунди зад Џорџ Расел.
На крајот, тие битки никогаш не се случија, па предната група остана досадна до финишот.
Победа за Пјастри со 1-2 пласман за Мекларен и Расел на подиумот, додека Ферстапен заврши четврти, а Албон ги победи Антонели и возачите на Ферари за да го освои петтото место.
Следуваа возачите на Ферари кои, патем, во 52-от круг повторно ги сменија позициите.
Карлос Саинц Јр. имаше жесток дуел со Хамилтон во претпоследниот свиок, но не можеше да му го земе 8-то место. Јуки Цунода го комплетираше списокот на освојувачи на поени.
