Ландо Норис го победи Оскар Пјастри за нешто помалку од три десетинки. Трет и прв од останатите, четири десетинки зад Норис, беше Чарлс Леклер.
Моначанецот потврди дека Ферари е втор најбрз, а Луис Хамилтон го имаше шестото најбрзо време.
Изненадување на денот беа двата возачи на Астон Мартин, каде Строл и Алонсо го поставија петтото и шестото најбрзо време на сесијата.
Џорџ Расел, Хаџар, Цунода и Антонели исто така завршија во првите 10.
Макс Ферстапен, од друга страна, имаше кошмарен петок, не можејќи да забележи подобро од 14-то најбрзо време попладнево, постојано жалејќи се на радио за лошиот баланс на неговиот RB21.
ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.
КЛИК ТУКА ЗА ДА СЕ ПРИДРУЖИТЕ
СТРИМ ОД САБОТНИОТ ТРЕНИНГ, 12:30 МК, И КВАЛИФИКАЦИИТЕ, 16:00 MK, ЌЕ БИДЕ ПОСТИРАН НА ВООБИЧАЕНИОТ НАЧИН, И ВО НАШИТЕ ВАЈБЕР И ТЕЛЕГРАМ ГРУПИ.
Немаше време за губење. Нико Хулкенберг ја отвори сесијата со време од 1:19.487. Освен возачите на Хас и Габриел Бортолето на бели, сите останати возачи беа на жолтите гуми на Пирели.
Чарлс Леклер по првиот брз круг, го намали најбрзото време на 1:17.181, но кратко потоа, на патеката се појавија и возачите на Мекларен, а Ландо Норис го презеде водството со време од 1:16.916.
Макс Ферстапен стартуваше со дискретни времиња. Жолтите пневматици овозможија повеќе обиди, и иако Оскар Пјастри постигна време од 1:16.697, Ландо Норис го намали своето време на 1:16.525 и беше најбрз на оваа медиум смеша за Хунгароринг.
Останатите беа во друга пониска лига. Чарлс Леклер, речиси половина секунда зад него, Кими Антонели, шест десетинки.
На половина од тренингот, Карлос Саинц Јр. ги започна квалификациските симулации, на црвените гуми, со време од 1:16.874. Неколку моменти подоцна, Ленс Строл го заврши својот прв круг на црвените гуми со 1:16.221 и привремено се искачи на првото место.
Но, како што се очекуваше, возачите на Мекларен го подобрија неговото време. Ландо Норис постигна импресивно време од 1:15.624, а Оскар Пјастри 1:15.915. Никој не можеше да ги победи.
Oстанатите беа доста далеку зад нив во секое време. Возачите на Астон Мартин беа многу брзи, па Строл направи втор обид за 1:16.119 и заврши четврти, а Фернандо Алонсо со 1:16.233 заврши петти.
И двајцата беа сместени помеѓу возачите на Ферари, со Чарлс Леклер на третото и Луис Хамилтон на шестото место. Првите 10 ги комплетираа Џорџ Расел, Исак Хаџар, Јуки Цунода и Кими Антонели.
По квалификациските симулации, тимовите се фокусираа на тркачкото темпо, подготвувајќи се за неделната трка, па затоа поредокот на табелата остана непроменет до крајот на сесијата.
