ДЕН ЗА ТРКА, НАЈАВА НА ХОЛАНДСКОТО ГРАН ПРИ

Големата Награда на Холандија пред четири години се врати во Ф1 календарот и се одвива на историската патека Зандворт. Долгата пауза, која започна во 1985 година, траеше до 2021 година, а кам-бекот е по заслуга на големата армија на фанови на Макс Ферстапен.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

СТРИМ ОД ТРКАТА ЌЕ БИДЕ ПОСТИРАН НА ВООБИЧАЕНИОТ НАЧИН НА НАШИОТ БЛОГ, КАКО И ВО НАШИТЕ ВАЈБЕР И ТЕЛЕГРАМ ГРУПИ.

Мекларен повторно ќе биде голем фаворит, а со одбрана на првиот стартен ред ќе ја обезбедат петтата последователна двојна победа, подвиг што го постигнале само Ферари и Мерцедес АМГ во историјата на Формула 1.

Зандворт е патека богата со историја, традиционално место за европската турнеја на трки, место каде што беа напишани престижни страници во историјата на нашиот омилен мотоспорт.

Оригиналната патека можеби ја нема, но наследството живее во новата конфигурација, кој вклучува многу од оригиналните свиоци, вклучувајќи го и фантастично именуваниот Тарзан свиок, кој што обезбедува една од најспектакуларните места за претекнување.

Патеката Зандворт се издвојува како една од најнеобичните во Ф1 календарот, со брз, течен распоред и чувство на "старата школа". Имаме вистинска мешавина на брзи свиоци, што ќе ги стави на тест многу аспекти на перформансите на болидот и обезбедува вистински предизвик за возачите.

Зандворт нуди вистинко ролеркостер искуство за возачите, со нагорнините и удолнините помеѓу песочните дини. Еден од највпечатливите елементи на патеката се супер-брзите свиоци 13 и 14, а нагибот од 18 степени ќе додаде значително оптоварување на гумите преку овој дел, што ќе влијае на издржливоста и траењето на гумите.

Секоја успешна серија во Формула 1 завршува. Не толку одамна, патеката Зандворт триумфално се врати во календарот среде победи и титули на Макс Ферстапен, а портокаловата армија го поддржуваше толку активно што болидите не беа видливи во чадот.

Три години по ред, Макс стартуваше од Пол позицијата на својата домашна патека, а три години по ред беше победник на трката, но серијата е завршена минатата сезона, а сега други возачи во слични нијанси на портокалова боја ќе стартуваат како фаворити на патеката во дините, но нема сомнение дека Ферстапен ќе направи сè за да ја задоволи својата публика, која има само еден идол.

Промоторите на Големата награда на Холандија немаат субвенции, па одржувањето на настанот е многу тежок потфат, потврдувајќи дека трката во 2026 година ќе биде последна. Зандворт повторно ќе го напушти календарот, за можеби повторно да се врати еден ден.

Како најбрза опција за поминување на 72 круга од Големата Награда на Холандија, барем на хартија, е со две застанувања во бокс за промена на пневматиците, но тимовите ќе направат се како би успеале да ја поминат трката со еден пит-стоп.

Ако некој од тимовите се реши за два пит-стопа, најдобро е трката да се започне на црвените гуми. Потоа може да следуваат два стинта на жолтите, доколку се достапни во рамките на распределбата на секој возачот, или еден стинт на жолти, па повторно на црвените што треба да биде избор на сите останати возачи кои имаат само еден нов сет на жолти гуми.

Стратегијата со едно застанување во бокс како најдобра опција е старт на жолти гуми, па бели, но тимовите кои се сигурни дека менаџирањето на пневматиците ќе биде задоволително можеби да се обидат и со црвените.

Старт на белите гуми дава други можности, за возачите кои стартуваат подолу на гридот, кои ќе сакаат да останат што подолго на патеката, како би ја искористиле секоја укажана можност како што на пример е излегување на безбедносното возило.

Ова е патека од т.н. стара школа со мали безбедносни зони за излетување, а досегашната акција сугерира дека е голема веројатноста за излегување на безбедносниот автомобил, а тоа ќе значи гратис пит-стоп.

Ограничувањето на брзината во боксот е зголемена на 80 км/ч, како и на повеќето други патеки, што значи дека оваа сезона застанувањето за промена на гумите ќе трае нешто помалку од минатите сезони.

Марио Изола, Пирели: "На патека каде што престигнувањето е дефинитивно тешко, квалификациите добиваат уште поголемо значење од вообичаеното во одлучувањето за резултатот од трката."

"Додека Мекларените се чини дека имаат предност пред останатите, нивните двајца возачи се разделени со многу мала разлика, всушност само 12 илјадити делови од секундата. Исто така, разлиите помеѓу сите останати возачи се минимални."

"Затоа, сите состојки се на место за да гледаме блиска и непредвидлива трка, со променливото време кое додава уште еден фактор за исходот, како и можноста за излегување на безбедносното возило, на патека каде што грешките секогаш се казнуваат."

"Иако симулацијата покажува дека стратегијата со две застанувања има мала предност во однос на вкупното време, добро сме свесни дека тимовите ќе се обидат да направат само едно застанување во боксот, бидејќи позицијата на патеката, утврдена во првиот круг е многу важна."

"Затоа веруваме дека стратегијата базирана на прв стинт со жолти гуми и втор со белите е најверојатен избор, бидејќи им овозможува на тимовите да ја покријат можноста за дожд или безбедносно возило."

"За оние кои се одлучуваат за две застанувања, најверојатниот избор е да се користат сите три смеши, исто така затоа што само Мекларен и Астон Мартин имаат два сета бели гуми на располагање, а Хаџар има два сета од жолтите."

"Зголемувањето на ограничувањето на брзината во боксот од 60 на 80 км/ч ќе има значително влијание врз изгубеното време за застанувањето во боксот, намалувајќи го од околу 22 секунди на 19 или 20."

"Но, тоа не е доволно за да го направи двојното застанување навистина привлечно. Што се однесува до "undercut"-от, видовме тука во Зандворт минатата година дека е многу ефикасен, што е уште еден фактор што треба да се земе предвид при подготовката за трката."

Пред почетокот на Големата награда на Холандија, на болидот на Оливер Берман му беа променети компонентите на Ферари погонската единица.

Возачот на Хас ги доби петте од четири дозволени: мотор со внатрешно согорување, турбо,  MGU-H и MGU-K мотор-генератори. Третата од две дозволени контролни единици и шестиот од осумте дозволени издувни системи.

Правилата на затворениот паркинг беа прекршени, па Оливер Берман ќе мора да стартува од пит-линијата.

Со оглед на неговата освоена 19-та позиција во квалификациите, можно е Хас да направиле тактичка промена на погонската единица пред Монца, проширувајќи го асортиманот на мотори достапни за Берман.

Возачите ќе го започнат загревачкиот круг во 15:00 часот, за кога се очекуваат температури околу 20 степени, слаб југо-западен ветер и веројатност за врнежи не поголема од 20%.

Летната пауза заврши, остануваат уште десет трки до крајот на сезоната, три од нив во формат со саботен спринт.

Во следните седум дена, Зандворт и Монца ќе го завршат европскиот дел од сезоната, потоа Формула 1 ќе тргне на турнеја надвор од европа. Главната интрига ќе биде борбата за шампионската титула.

Во шампионатот на конструктори сè е решено, а кај возачите, Оскар Пјастри и Ландо Норис се одвоени само девет бода. Во последните четири трки, Норис, кој сè уште заостанува, освои 13 бода повеќе, 99 наспроти 86 за Пјастри. Борбата е апсолутно рамноправна, и ако Мекларен не се вмеша, тогаш може само да се сонува за таква битка.

Трите претходни промени на правилата го променија балансот на моќ, што доведе до доминација на еден возач и еден тим. Постои голема веројатност дека во 2026 година балансот на силите да се промени.

Најдобриот болид нема да го има тимот со најголем буџет, туку оној што ќе ги "прочита" најдобро новите прописи.

Лоренс Строл и неговото семејство сметаат на Њуи, многумина веруваат во моќта на новите мотори на Мерцедес, но сега никој не може да замисли каков ќе биде поредокот за една година, кога Формула 1 ќе дојде на последната трка за Големата Награда на Холандија, според сегашниот договор.

Сепак, календарското лето завршува оваа недела, зимата е сè уште далеку, а имаме десет трки за да уживаме во блиска борба во 2025 година. Тоа би требало да биде одличен крај на сезоната!