Мерцедес АМГ, со нивниот пакет за надградба, имаа совршен старт за прв пат оваа година и ги задржаа првите две места. Се чинеше дека сè ќе оди лесно од таму, но по првпат имаше искри меѓу Џорџ Расел и Кими Антонели.
Двајцата возачи имаа свои подеми и падови во шестиот круг, при што Италијанецот дури мораше да излезе надвор од патеката, што му даде можност на Ландо Норис да се искачи на второто место и да се бори за победата.
На крајот, Расел победи, а Антонели заврши трет, второ место за Норис, но Мерцедес АМГ сигурно се надеваше на нешто поинакво.
Оскар Пјастри заврши четврти, пред Чарлс Леклер, кој покажа одлична смиреност на крајот и го престигна Луис Хамилтон.
Макс Ферстапен и Арвид Линдблад ги комплетираа позициите за освојување поени, без никаква закана по нив, но и никакви закани од нив. Болидите на Ред Бул и Рејсинг Булс немаа моќ за нешто повеќе.
Лидерите во шампионатот се единствените што стартуваа со сет употребувани жолти гуми со шест круга зад нив, но тоа им донесе проблеми при крајот на спринтот.
Печат не денот, барем досега, остави тимската битка помеѓу Расел и Антонели, нешто кое би можело да претставува пресвртница во односот помеѓу двајцата пулени на Мерцедес АМГ.
Младиот Италијанец покажа позитивно ниво на агресија и дрскост, но во овој момент во гаражите натимот има интересна дискусија како да се избегне преземање прекумерни ризици.
Денес, губитник во таа битка испадна Кими, кога по одличното темпо на двајцата, 7-8 десетинки побрзо од останатите, се доведе во ситуација да го изгуби второто место.
Мекларен ја искористи битката помеѓу возачите на Мерцедес АМГ, освојувајќи ги второто и четвртото место, далеку над очекувањата. Но, за тимот од Вокинг, како што кажаа самите е клучно што сега може да се променат поставките на болидите, бидејќи најдоа грешки во почетна поставеност.
Ред Бул не се снајде ни малку подобро. Ферстапен возеше во ничија земја, постојано беше побавен од водечката група, но нити пак возачите зад него му преставуваа некаква закана.
Заокружувањето на зоната за освојување поени беше изненадувачки резултат за Рејсинг Булс и Арвид Линдблад, кој на своето деби на дефинитивно тешката патека успеаја да извлечат најмногу од подобрувањата на тимот со седиште во Фаенца.
Кадилак исто така се покажа добро, завршувајќи на 11-то место со Перез пред да добие казна од 10 секунди. Мексиканецот го возеше Спринтот со црвени гуми, кои беа многу убедливи и затоа би можеле да бидат во игра и на трката, освен ако не се појават временски проблеми, поради кои би можеле да ја гледаме првата трка на влажен асфалт со новите Ф1 правила.
