Чарлс Леклер беше најбрзиот возач на првиот тренинг, а Луис Хамилтон обезбеди еден-два пласман за Италијанците.
Макс Ферстапен и Кими Антонели беа трети и четврти, но повеќе од половина секунда зад нив.
Сепак, врз основа на искуството од претходните години и работата на симулатор, никој повеќе не прави толку драстични грешки.
Сите возачи се добро подготвени, дури и на оваа предизвикувачка градска патека. Тешко е да се тестира нешто во Монако, но неколку тимови донесоа нови елементи и ја поминаа првата тренинг сесија оценувајќи ја нивната ефикасност.
Мекларен имаше најмногу нови надградби, а возачите излегоа со болиди премачкани со аеро боја за да ги соберат потребните податоци.
Во 35-тата минута беа развеани црвените знамиња. Хаџар изгуби контрола врз својот болид во шиканата која ги содржи 15 и 16-от свиок, и заврши во заштитните бариери.
Второто црвено знаме се појави откако Фернандо Алонсо удри во бариерата на излезот од тунелот, предизвикувајќи појава на остатоци, а сесијата беше прекината за да се расчистат.
Во тие последни минути, Ферари повторно ја покажа својата сила.
Чарлс Леклер постави време од 1:13.978, завршувајќи како најбрзиот возач, следен од Луис Хамилтон со две десетинки од секундата заостанување и Макс Ферстапен повеќе од половина секунда заостанување.
Кими Антонели, со своето претходно време, заврши четврти. Повеќе од една секунда заостанаа Џорџ Расел, Ландо Норис и Нико Хулкенберг, кој дури успеа да го победи Оскар Пјастри.
Габриел Бортолето и Пјер Гасли ги комплетираа најбрзите десет возачи. Следуваа возачите на Вилијамс, Алекс Албон пред Карлос Саинц Јр. на единаесеттото и дванаесеттото место.
Серџо Перез покажа дека е мајстор за градските патеки и со болидот на Кадилак го забележа одличното 14-то најбрзо време. Рејсинг Булс, Хас, и пред се Астон Мартин не покажаа ништо и беа меѓу последните болиди.
