Само 60 минути имаа возачите за подесување на болидите пред да започне вистинската акција со Спринт квалификациите. Немаше време за губење па уште пред да се запали зеленото светло, веќе имаше неколку болиди во редица на пит-излезот.
Повеќето возачи се решија за жолтите гуми за нивните први стинтови. Алекс Албон и Лиам Лосон беа првите кои имаа авантури, излегувајќи од патеката на првиот и вториот свиок, соодветно.
И двајцата поминаа низ чакалот покрај патеката, но можеа без проблем да се вратат на патеката, која има целосно нов асфалт за овогодинешното издание, а возачите пријавија многу поголем грип уште од самиот почеток.
Историски гледано, Шангај е патека која многу се развива во текот на викендот, но оваа година, како работите да се променија. Најдобрите времиња во првите десет минути веќе беа за три секунди побрзи од најдобрите времиња од минатогодишната тренинг сесија.
Мерцедес АМГ, Ферари, Мекларен и Ред Бул ја започнаа сесијата со своите возачи на врвот на табелата, освен Лосон, кој заостана малку. Во првото полувреме, Џорџ Расел поведе со најдобро време од 1:32.377. Се чинеше дека W16 се однесува прилично добро во Шангај.
Возачите значително се мачеа со пневматиците во текот на последните кругови на жолтите гуми. Карлос Саинц Јр. ја предводеше средината на табелата со осмо најбрзо време.
На петнаесет минути преостанати, додека некои возачи се подготвуваа да излезат на патеката на црвените гуми, беа развеани црвените знамиња. Џек Духан имаше проблессо хидрауликата на својот А525 и мораше да го запре својот болид.
На маршалите им требаше одредено време да го отстранат болидот на Алпин, а сесијата беше рестартирана со уште осум минути за акција. Сите возачи преминаа на црвените гуми, само двајца од нив, Расел и Ферстапен, решија да не ги користат.
Британецот не го подобри своето време на жолтите гуми, најверојатно поради грешка, а актуелниот шампион не го заврши кругот иако значително ги подобри перформансите во првите два сектори.
Ландо Норис беше еден од возачите кои постојано притискаа и го презеде врвот при неговиот втор обид на црвените гуми со време четири и пол десетинки пред Леклер, кој беше втор.
Оскар Пјастри, со мало излегување од патеката на последниот свиок, заврши трет со речиси седум десетинки заостанување, а Хамилтон беше четврти, а Расел беше четврти.
Нико Хулкенберг изненади со одличен последен круг за шестото место за Заубер, пред Вилијамсот на Албон и Астон Мартин на Алонсо. Топ 10 поредокот го комплетираа Андреа Кими Антонели и Јуки Цунода.
