ОСКАР ПЈАСТРИ УСПЕА ДА ГО ПОБЕДИ ФАВОРИТОТ ЗА ПОЛ ПОЗИЦИЈА

Оскар Пјастри ги одигра своите карти како што треба овој викенд во Зандворт, победувајќи го Ландо Норис во клучната фаза од квалификациите.

Како што често се случува, откако ја водеше секоја тренинг сесија, Ландо Норис е победен кога влоговите се зголемуваат.

Во Зандворт, тој е поразен од својот тимски колега, Оскар Пјастри, кој заостануваше до утрово, и тоа за прилично голема разлика изразена во неколку десетинки.

Лидерот во шампионатот прво го предупреди со најбрзото време во Q1, а потоа го победи за 12 илјадитинки во Q3, освојувајќи ја петтата пол позиција во неговата кариера.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

СТРИМ ОД ТРКАТА ЌЕ БИДЕ ПОСТИРАН НА ВООБИЧАЕНИОТ НАЧИН НА НАШИОТ БЛОГ, КАКО И ВО НАШИТЕ ВАЈБЕР И ТЕЛЕГРАМ ГРУПИ.

Формула 1 се враќа во акција утре попладне во 15:00 часот со 15-тата трка од тековната 2025 сезона.

Мекларен повторно ќе биде голем фаворит, а со одбрана на првиот стартен ред ќе ја обезбедат петтата последователна двојна победа, подвиг што го постигнале само Ферари и Мерцедес АМГ во историјата на Формула 1.

Една од највозбудливите квалификациски сесии во годината започна со излетување, во кое беше вклучен еден од претендентите за Q3, Ленс Строл.

Канаѓанецот ја изгуби контролата врз својот Астон Мартин во претпоследната кривина и, иако успеа да се врати во гаражата, штетата беше преголема за да продолжи со квалификациите.

Како резултат на тоа, тој ќе стартува од последниот ред. На Строл во зоната на елиминација му се придружија двајцата возачи на Хас, кои беа најбавниот тим овој викенд, со Естебан Окон пред Оливер Берман. Нико Хулкенберг и Франко Колапинто исто така беа елиминирани.

Оскар Пјастри го имаше најбрзо време, благодарение на дополнителен брз круг со користени гуми во последните моменти од Q1 сесијата, што му овозможи да го симне Ландо Норис од водство.

За време на Q2 сесијата имавме зголемување на перформансите на болидите на Ферари, а Луис Хамилтон и Чарлс Леклер влегоа во борбата за третото место, приближувајќи се релативно блиску до Макс Ферстапен.

Ова беше изненадување од Италијанскиот тим, кој досега како да беше отсутен и насочен со мислите кон домашната трка во Монца. Како резултат на тоа, имаа многу мирни последни неколку минути од сесијата.

Тоа не беше случај за Фернандо Алонсо и Астон Мартин, кои чекаа до последните моменти за да го комплетираат добар и брз круг, со кој успеаа да се искачат на седмото место.

Астон Мартин се очекуваше да има два болиди во Q3, но денес тоа се покажа како не така лесно остварливо.

Истот важи и за тимот на Вилијамс. Карлос Саинц Јр. успеа од петни жили да се протне во финалниот сегмент.

Рејсинг Булс беа пријатно изненадување на денот, со двајца возачи во Q3 сесијата.

Андреа Кими Антонели беше единаесетти, пред Јуки Цунода и Габриел Бортолето кои имаа идентично време за П12, т.е. П13.

Пјер Гасли и Алекс Албон беа последните двајца возачи кои беа елиминирани од квалификациите во оваа Q2 сесија.

Битката помеѓу двата возачи на Мекларен и борбата да се биде најдобар од останатите и да се обезбеди третото место беа точките од најголем интерес во последната Q3 сесија.

Време беше да се притисне силно, да се извлече максимумот од болидите, на патека која не простува и каде што престигнувањето нема да биде лесно на утрешната трка.

Во првиот обид, 12 илјадити делови од секундата ги делеа Пјастри и Норис, а Австралијанецот се најде на привремената пол позиција. Ферстапен лесно стигна до третото место, пред Џорџ Расел и двајцата возачи на Ферари, кои беа на употребувани црвени гуми.

По миксот од стари и нови гуми во првите брзи круга, дојде време за последниот обид на сите возачи на нов сет на најмеките пневматици.

Возачите на Мекларен први ги напуштија своите гаражи, но ниту еден од нив не се подобри. Овој пат немаше возбуда, а ова му ја овозможи пол позицијата на Пјастри, а Норис ќе стартува веднаш до него на првиот стартен ред.

Макс чекаше до последните моменти за да се обиде да направи нешто посебно, и го подобри своето време, но денес тоа не беше доволно за првиот ред. Мораше да се помири со П3, како најдобриот од останатите.

Зад него, Исак Хаџар пријатно ги изненади сите, освојувајќи ја четвртата позиција со болидот на Рејсинг Булс, победувајќи го Џорџ Расел и двајцата возачи на Ферари.

Змачи Џорџ заврши петти, Леклер шести, а Хамилтон седми. Моначанецот во вториот брз круг го престигна Британецот за точно половина десетинка.

Осмата позиција му припадна на Лиам Лосон во вториот болид на Рејсинг Булс. Двајцата Шпанци кои стигнаа до Q3, беа најбавните возачи. Карлос Саинц Јр. ја обезбеди деветтата, а Алонсо не можеше подобро од десеттата стартна позиција.