"Здраво на сите, еве ме тука. Извинете за доцнењето во контактот со вас, но сакав да почекам до мигот кога конечно можам да споделам некои позитивни вести со вас. Најпрво би сакал да изразам огромна благодарност на моите фанови, чија поддршка е едноставно неверојатна, од мојата несреќа во Италија во февруари. Буквално сум затрупан со писма и разни подароци и предмети и се чини дека нивниот интензитет на пристигање не се намалува. Исто така, сакам да им се заблагодарам на сите луѓе во светот на Формула 1 кои на разни начини ја изкажаа својата загриженост за тешкава ситуација во која се наоѓам"
Роберт, поминаа нешто повеќе од 10 недели од вашата несреќа, како се чувствуваш?
Роберт Кубица: Почнувам да се чувствувам многу подобро сега. Рехабилитацијата се движи во вистинската насока, мојата сила и тежина се зголемуваат од ден на ден и како резултат на тоа многу наскоро ќе ја напуштам болницата Санта Корона.
Кога точно ќе ја напуштиш болницата?
Роберт Кубица: Јас сеуште не го знам точниот датум, но се надевам дека тоа ќе биде во текот на следните 10 дена.
Во врска со повредата на раката, каква е нејзината подвижност?
Роберт Кубица: Подвижноста на мојата рака е ограничена, но тоа е прилично нормално во вакви ситуации, затоа што поврзаните мускули на раката се уште се многу слаби, поради големиот период на неподвижност. Работите се подобруваат од ден на ден.
Може ли да ни кажете малку за вашата рехабилитациона програма?
Роберт Кубица: Веднаш штом ќе ја напуштам болницата, јас ќе се упатат кон мојот дом во Монако за краток период на одмор. Потоа, ќе се преселам во рехабилитационите објекти на д-р Ceccarelli во Италија, каде што ќе започнеме една темелна рехабилитација и прелиминарна програма за тренинг. Двете програми постепено ќе преминуваат една во друга врз основа на брзината на моето закрепнување.
Имаше неверојатна реакција од фановите, колку таа ти помогна во закрепнувањето?
Роберт Кубица: Морам да признаам дека таа е огромна и, да, таа ми помогна многу. Јас навистина не сфаќав дека толку многу фанови ме поддржуваат. Јас сум многу почестен и јас им ветувам дека, кога ќе се вратам, ќе дадам се да бидам апсолутно најдобар.
Дали си во редовна комуникација со тимот од кој сте многу одалечен?
Роберт Кубица: Да, секако. Особено од почетокот на сезоната, јас контактирам со моите инженери за она што се случува за време на Гран При викендите. Тие ми испраќаат извештаи за трките за да можам да останам целосно информиран, како да сум таму на патеките. Ерик Булие исто така е во постојан контакт со мене, интересирајќи се за мојата општа состојба.
Дали ги гледавте сите трки досега оваа година, и што мислиш за новата сезона и настапите на својот тим досега?
Роберт Кубица: Да, ги гледав сите, и не постои сомнеж дека тоа е силен старт на сезоната. Потенцијалот на болидот, кој што јас веќе го забележав на тест сесијата во Валенсија, се чини дека се потврдува. Сега е важно да се продолжи да се работи на развојот на болидот, и во Enstone да се продолжи со производство на надградби за доследно одржување на ова ниво на перформанси. Момците направија голема работа со овој болид и сигурен сум дека тие ќе продолжат да се подобруваат.
За крај што ќе им порачате на вашите поддржувачи во Формула 1 светот?
Роберт Кубица: Па, само продолжете да уживате во Ф1 шоуто иако јас не сум таму во моментот. Од моја страна, јас ќе се обидам да го искористам ова мое страшно искуство, за да се вратам најсилен што може да бидам.
