2011 КИНА ГП: НА ИСТОК НИШТО НОВО, ВЕТЕЛ ПОВТОРНО БРЗ, ПОБРЗ, НАЈБРЗ

Зелено светло за уште една лесна победа ?!?

Што да се каже за денешните слободни тренинзи? Сè што кажавме, анализиравме за Малезија ГП важи и за овие сесии исто така. Трета трка по ред болидот со бр.1 на Ред Бул е оној кој треба да се победи, повторно го следат болидите на Мекларен, т.е. Луис Хамилтон, па Џенсон Батон. Коментаторите кои ја следат целата акција во живо велат дека Џенсон бил понежен кон својот комплет на гумите на Пирели, одколку Хамилтон, што би можело да биде пресудно во текот на квалификациите и на трката. Уште еден лош настап на Марк Вебер, едноставно не знам зошто разликата помеѓу него и неговиот тимски колега е толку голема. Дали Ветел има некои делови во неговиот болид што Вебер ги нема?!? Или пак Ветел е во Топ форма.

Добри перформанси на болидите на Мерцедес ГП. Нико Розберг и Михаел Шумахер, пронајдоа дел од перформансите и завршија како четврти и петти. Дали Мерцедес ГП ја пронајде формата што ја покажуваше кон крајот на зимските тест сесии?!? Времето ќе покаже.

Борба на Ферари продолжува. Фелипе Маса беше најбрзиот возач на Ферари со шесто најбрзо време, но тој ги сменил меките гуми порано од своите ривали, кога условите на патеката беа малку полоши. Алонсо има оправдување за слабиот резултат, мака мачеше со хидрауликата на неговиот болид, па извозе скромен број кругови, а неговото најдобро време беше доволно само за 14 место, но имаше проблеми и со сообраќајот на патеката. Тој успеа да заврши неколку круга со меките гуми, но без употреба на подвижното задно крило.

Ник Хајдфелд имаше уште една тешка сесија по неговата несреќа во утринските часови кога го оштети својот болид. Во средината имаме тесна битка меѓу Вилијамс, Заубер и Торо Росо. Лотус е во близина на оваа борба. Назад во поредокот двата болиди на ХРТ беа побрзи од болидите на Вирџин, но како што изгледаат работите овие два тима може да не стартуваат на оваа трка. Пол ди Реста остана на самото дно без поставено време поради проблеми со притисокот на горивото.

ПРВ СЛОБОДЕН ТРЕНИНГ

 П.   ВОЗАЧ               ТИМ        ВРЕМЕ   РАЗЛИКА  КРУГОВИ
 1. Себастијан Фетел    Ред Бул     1:38.739           23
 2. Марк Вебер          Ред Бул     1:39.354 + 0,615   27
 3. Луис Хамилтон       Мекларен    1:40.845 + 2,106   21
 4. Џенсон Батон        Мекларен    1:40.940 + 2,201   22
 5. Ник Хајдфелд        Лотус-Рено  1:40.987 + 2,248    5
 6. Фелипе Маса         Ферари      1:41.046 + 2,307   25
 7. Серџо Перез         Заубер      1:41.189 + 2.450   20
 8. Пастор Малдодо      Вилијамс    1:41.222 + 2,483   20
 9. Виталиј Петров      Лотус-Рено  1:41.231 + 2,492   16
10. Себастијан Буеми    Торо Росо   1:41.328 + 2,589   21
11. Нико Розберг        Мерцедес ГП 1:41.361 + 2,622   23
12. Ферндо Алонсо       Ферари      1:41.434 + 2,695   15
13. Нико Хулкенберг     Форс Индија 1:41.494 + 2,755   20
14. Хеики Ковалаинен    Лотус       1:41.579 + 2,840   13
15. Пол ди Реста        Форс Индија 1:41.610 + 2,871   18
16. Даниел Рикардо      Торо Росо   1:41.752 + 3,013   20
17. Рубенс Баричело     Вилијамс    1:41.939 + 3.200   25
18. Михаел Шумахер      Мерцедес ГП 1:42.301 + 3,562   23
19. Камуи Кобајаши      Заубер      1:43.792 + 5,053   20
20. Жером д1Амброзио    Вирџин      1:44.089 + 5,350   20
21. Витантони Лиуци     ХРТ         1:44.359 + 5,620   18
22. Тимо Глок           Вирџин      1:44.438 + 5,699   11
23. Луис Рациа          Лотус       1:44.542 + 5,803    9
24. Нараин Картикијан   ХРТ         1:45.019 + 6,280   23

ВТОР СЛОБОДЕН ТРЕНИНГ

 П.   ВОЗАЧ              ТИМ         ВРЕМЕ   РАЗЛИКА КРУГОВИ
 1. Себастијан Ветел    Ред Бул     1:37.688           34
 2. Луис Хамилтон       Мекларен    1:37.854 + 0,166   22
 3. Џенсон Батон        Мекларен    1:37.935 + 0,247   31
 4. Нико Розберг        Мерцедес ГП 1:37.943 + 0,255   34
 5. Михаел Шумахер      Мерцедес ГП 1:38.105 + 0.417   29
 6. Фелипе Маса         Ферари      1:38.507 + 0,819   36
 7. Адријан Сутил       Форс Индија 1:38.735 + 1,047   35
 8. Ник Хајдфелд        Лотус-Рено  1:38.805 + 1,117   26
 9. Виталиј Петров      Лотус-Рено  1:38.859 + 1,171   31
10. Марк Вебер          Ред Бул     1:39.327 + 1,639   33
11. Камуи Кобајаши      Заубер      1:39.538 + 1.850   33
12. Пастор Малдонадо    Вилијамс    1:39.667 + 1,979   37
13. Себастијан Буеми    Торо Росо   1:39.771 + 2,083   18
14. Ферндо Алонсо       Ферари      1:39.779 + 2,091   17
15. Џејми Алгуерсуари   Торо Росо   1:39.828 + 2,140   25
16. Рубенс Баричело     Вилијамс    1:39.925 + 2,237   32
17. Серхио Перез        Заубер      1:39.953 + 2.265   30
18. Хеики Ковалаинен    Лотус       1:40.476 + 2,788   30
19. Јарно Трули         Лотус       1:41.482 + 3,794   32
20. Нараин Картикијан   ХРТ         1:42.902 + 5,214   25
21. Витантонио Лиуци    ХРТ         1:43.850 + 6,162    3
22. Џером Д`Амброзио    Вирџин      1:44.008 + 6,320   35
23. Тимо Глок           Вирџин      1:44.747 + 7,059   12
24. Пол ди Реста        Форс Индија   /