Ферари многу блиску до Ред Бул
Себастијан Ветел обезбеди уште една Пол Позиција оваа сезона откако го постави најбрзото време во квалификациите за Канадското Гран При. Ветел беше блиску следен од дуото на Ферари. Италијанскиот тим ја имаше најсилна изведба оваа сезона досега, а Фернандо Алонсо и Фелипе Маса имаа заостанување помало од 0,210 секунди зад Ред Бул, најблиску што биле оваа сезона. Марк Вебер повторно со проблеми со КЕРС-от, па без негова помош стигна само до 4-тата стартна позиција.
Денес од тимот на Ред Бул и официјално потврдија дека тие имаат мини-КЕРС, т.е. нивниот систем за обновување на кинетичка енергија е 1/3 послаб од системите на Ферари и особено Мерцедес. Тие претпоставуваат дека противничките системи развиваат дополнителна сила од 60KW, а нивниот само 40KW. Но поради помалата тежина, полесно е да го спакуваат во аеродинамичкиот пакет на нивниот болид, разликата во тежина и гломазност е очигледна и со тоа се надополнуваат изгубените KW, во кривините, каде Ред Булот е најбрз и ја добива предноста.
Најголемо изненадување овој викенд е слабата форма на Мекларен, а ова требаше да биде нивна патека. Тие освојуваа Пол Позиција во претходните три трки. Тимскиот шеф Мартин Витмарш, изјави дека пред квалификациите болидите биле поставени за влажна трка, што значи дека Хамилтон и Батон се спремаат за дожд утре. Но ова некако е голема коцка, т.е. високо ризична стратегија, бидејќи никој не гарантира дождлива трка. Канада е патека каде е важна брзината на големите правци, отколку коцкање со некои стратегии.
Останатите резултати се во рамките на очекуваното, тие што требаше да отпаднат во Q1 тоа и го направија, vo Q2 исто така. Да се надеваме на добра трка утре со почеток повторно во 19 часот.
П. ВОЗАЧ ТИМ ВРЕМЕ РАЗЛИКА
1. СЕБАСТИЈАН ВЕТЕЛ РЕД БУЛ 1:13.014s
2. ФЕРНАНДО АЛОНСО ФЕРАРИ 1:13.199 + 0.185
3. ФЕЛИПЕ МАСА ФЕРАРИ 1:13.217 + 0.203
4. МАРК ВЕБЕР РЕД БУЛ 1:13.429 + 0.415
5. ЛУИС ХАМИЛТОН МЕКЛАРЕН 1:13.565 + 0.551
6. НИКО РОЗБЕРГ МЕРЦЕДЕС ГП 1:13.814 + 0.800
7. ЏЕНСОН БАТОН МЕКЛАРЕН 1:13.838 + 0.824
8. МИХАЕЛ ШУМАХЕР МЕРЦЕДЕС ГП 1:13.864 + 0.850
9. НИК ХАЈДФЕЛД РЕНО 1:14.062 + 1.048
10. ВИТАЛИЈ ПЕТРОВ РЕНО 1:14.085 + 1.071
Q2 НАЈБРЗО ВРЕМЕ: 1:14.467 РАЗЛИКА
11. ПОЛ ДИ РЕСТА ФОРС ИНДИЈА 1:14.752 + 1.321
12. ПАСТОР МАЛДОНАДО ВИЛИЈАМС 1:15.043 + 1.612
13. КАМУИ КОБАЈАШИ ЗАУБЕР 1:15.285 + 1.854
14. АДРИАН СУТИЛ ФОРС ИНДИЈА 1:15.287 + 1.856
15. СЕБАСТИЕН БУЕМИ ТОРО РОСО 1:15.334 + 1.903
16. РУБЕНС БАРИЧЕЛО ВИЛИЈАМС 1:15.361 + 1.930
17. ПЕДРО ДЕ ЛА РОСА ЗАУБЕР 1:15.587 + 2.156
Q1 НАЈБРЗО ВРЕМЕ: 1:16.229 РАЗЛИКА
18. ЏЕЈМИ АЛГУЕРСУАРИ ТОРО РОСО 1:16.294 + 2.472
19. ЈАРНО ТРУЛИ ЛОТУС 1:16.745 + 2.923
20. ХЕИКИ КОВАЛАИНЕН ЛОТУС 1:16.786 + 2.964
21. ВИТАНТОНИ ЛИУЦИ ХРТ 1:18.424 + 4.602
22. ТИМО ГЛОК ВИРЏИН 1:18.537 + 4.715
23. НАРАИН КАРТИКИЈАН ХРТ 1:18.574 + 4.752
24. ЖЕРОМ Д`АМБРОЗИО ВИРЏИН 1:19.414 + 5.592107% ВРЕМЕ: 1:18.989
