2013 БАХРЕИН ГП: НИКО РОЗБЕРГ СО ИЗНЕНАДУВАЧКА ПОЛ ПОЗИЦИЈА

Возачот на Мерцедес АМГ, Нико Розберг ќе стартува од Пол позицијата на утрешната Голема Награда на Бахреин. Германецот ја забележа првата последователна Пол позиција за Мерцедес АМГ од деновите на Хуан Мануел Фанџо и Стирлинг Мос во 1950 година. Неговиот тимски колега се квалификуваше на четвртата, но трката ќе ја започне од деветтата позиција, по изречената казна од 5 стартни места поназад. Се тоа поради едно мало парче од остатоци на патеката за време на саботниот тренинг, кое ја дупна неговата лева задна гума, што доведе до проблеми со амортизацијата и оштетување на менувачот кој требаше да биде променет.

Мерцедесите според формата не изгледаа дека се најбрзите болиди, но Розберг не го делеше тоа мислење, па со одличен брз круг беше најбрз. Себастијан Ветел беше најблиску со болидот на Ред Бул, и само 0.083 побрз од Ферарито на Фернандо Алонсо, на третата стартна позиција.

Марк Вебер беше петти најбрз, но како и Хамилтон има казна од 3 стартни места поназад, па ќе стартува од седмата позиција. Како резултат на овие казни, Фелипе Маса кој се избори за шестата позиција ќе стартува од четвртата и беше единствениот возач кој го постави своето најдобро време на тврдите гуми.

Следуваат болидите на Форс Индија, Пол ди Реста и Адријан Сутил на седмата и осмата позиција, пред разочарувачките квалификации за Кими Раиконен, кој не можеше да постигне подобро време и мора да се задоволи само со 9-тата стартна позиција. Џенсон Батон ја искористи лошата тактичка одлука на Лотус со Роман Грожан во Q2 сесијата, за влез во најбрзите десет болиди. Не можеше ништо подобро од 10-тата стартна позиција за  Мекларен.

 П.    ВОЗАЧ               ТИМ          ВРЕМЕ      РАЗЛИКА КРУГОВИ
 1. Нико Розберг        Мерцедес АМГ   1:32.330              14
 2. Себастијан Ветел    Ред Бул        1:32.584   +  0.254   12
 3. Фернандо Алонсо     Ферари         1:32.667   +  0.337   11
 4. Луис Хамилтон       Мерцедес АМГ   1:32.762   +  0.432   13
 5. Марк Вебер          Ред Бул        1:33.078   +  0.748   13
 6. Фелипе Маса         Ферари         1:33.207   +  0.877   13
 7. Пол ди Реста        Форс Индија    1:33.235   +  0.905   14
 8. Адријан Сутил       Форс Индија    1:33.246   +  0.916   16
 9. Кими Раиконен       Лотус          1:33.327   +  0.997   13
10. Џенсон Батон        Мекларен       без поставено време   11
  Q2 Најбрзо време: Себастијан Ветел 1:32.746                     
11. Роман Грожан        Лотус          1:33.762   +  1.016    7
12. Серџо Перез         Мекларен       1:33.914   +  1.168    9
13. Даниел Рикардо      Торо Росо      1:33.974   +  1.228   14
14. Нико Хулкенберг     Заубер         1:33.976   +  1.230   14
15. Валтери Ботас       Вилијамс       1:34.105   +  1.359   13
16. Жан-Ерик Верн       Торо Росо      1:34.284   +  1.538   13
  Q1 Најбрзо време: Фернандо Алонсо 1:32.878                      
17. Пастор Малдонадо    Вилијамс       1:34.425   +  1.547    6
18. Естебан Гутиерес    Заубер         1:34.730   +  1.852    9
19. Чарлс Пик           Катерам        1:35.283   +  2.405    6
20. Жил Бјанки          Марусија       1:36.178   +  3.300    6
21. Гидо ван дер Гард   Катерам        1:36.304   +  3.426    7
22. Макс Чилтон         Марусија       1:36.476   +  3.598    6