2013 ШПАНИЈА ГП: МЕРЦЕДЕС АМГ ЌЕ СТАРТУВА ОД ПРВИОТ РЕД

Мерцедес АМГ со Нико Розберг на Пол позицијата и Луис Хамилтон на втората позиција ќе стартуваат од првиот ред за Големата награда на Шпанија. Германецот ја повтори одличната форма од Бахреин, беше побрз од сите останати и незагрозен од никого го постави најбрзото време. Неговиот тимски колега мораше да се помири со втората позиција, со побавно време од дури 0.254 секунди.

Себастијан Ветел го постави третото најбрзо време, а до него од вториот стартен ред е Кими Раиконен. Следуваат болидите на Ферари на третиот ред, а Фернандо Алонсо само петти пред Фелипе Маса со разлика од само 0.001 секунда. Следуваат Роман Грожан, Марк Вебер, Серџо Перез и Пол ди Реста. Фелипе Маса би можело да биде казнет по жалбата на Вебер дека бил попречен од Бразилецот. Стјуардите во моментов го испитуваат инцидентот.

Времето со кое Розберг ја забележа својата трета Пол позиција во својата кариера е повеќе од една секунда и пол побрзо од тоа во 2012 година поставено од страна на Вилијамсот на Пастор Малдонадо на меките гуми и покрај фактот што користењето на ДРС минатата сезона беше неограничено. Според податоците на Пирели победничка стратегија ќе биде со 3 застанувања во боксовите и тоа Медиум-Медиум-Медиум-Тврди гуми.

 П.    ВОЗАЧ               ТИМ          ВРЕМЕ      РАЗЛИКА КРУГОВИ
 1. Нико Розберг        Мерцедес АМГ   1:20.718              12
 2. Луис Хамилтон       Мерцедес АМГ   1:20.972   +  0.254   12
 3. Себастијан Ветел    Ред Бул        1:21.054   +  0.336   17
 4. Кими Раиконен       Лотус          1:21.177   +  0.459   12
 5. Фернандо Алонсо     Ферари         1:21.218   +  0.500   12
 6. Фелипе Маса         Ферари         1:21.219   +  0.501   16
 7. Роман Грожан        Лотус          1:21.308   +  0.590   12
 8. Марк Вебер          Ред Бул        1:21.570   +  0.852   13
 9. Серџо Перез         Мекларен       1:22.069   +  1.351   12
10. Пол ди Реста        Форс Индија    1:22.233   +  1.515   17
  Q2 Најбрзо време: Луис Хамилтон 1:21.001                          
11. Даниел Рикардо      Торо Росо      1:22.127   +  1.126   14
12. Жан-Ерик Верн       Торо Росо      1:22.166   +  1.165   12
13. Адријан Сутил       Форс Индија    1:22.346   +  1.345   12
14. Џенсон Батон        Мекларен       1:23.166   +  2.165   09
15. Нико Хулкенберг     Заубер         1:22.389   +  1.388   13
16. Естебан Гутиерес    Заубер         1:22.793   +  1.792   15
  Q1 Најбрзо време: Луис Хамилтон 1:21.728                        
17. Валтери Ботас       Вилијамс       1:23.260   +  1.532   09
18. Пастор Малдонадо    Вилијамс       1:23.318   +  1.590   09
19. Гидо ван дер Гард   Катерам        1:24.661   +  2.933   06
20. Жил Бјанки          Марисија       1:24.713   +  2.985   06
21. Макс Чилтон         Марусија       1:24.996   +  3.268   06
22. Чарлс Пик           Катерам        1:25.070   +  3.342   06