Сајмондс има 30 годишна Ф1 кариера во која постигна успех со некои од најдобрите тимови и возачи во овој мотоспорт. Својата кариера ја започна во Толман, потоа беше со Бенетон и подоцна Рено со кои постигнува неверојатен успех.
Неговите партнерства со Михаел Шумахер и Фернандо Алонсо донесоа 32 победи, 4 Титули во шампионатот на возачи и 3 Титули во конструктори.
Сер Френк Вилијамс, основач и тимскиот шеф на Вилијамс Ф1, изјави: "Јас сум воодушевен што Пат се приклучи на тимот. Неговите технички способности и спортски успеси говорат сами за себе и јас сум сигурен дека неговото знаење и лидерство ќе придонесе значително за успехот, за кој сите ние во Вилијамс работиме напорно за да се постигне."
Пат Сајмондс изјави: "Вилијамс е тим кој има постигнато големи успеси и јас сум почестен што ќе имам удел во враќање на тимот на своето заслужено место во врвот на Формула 1. Сер Френк, Мајк и Клер ги поставија темелите за успех и јас сум неизмерно возбуден да го започнам овој нов предизвик."
