2013 КОРЕЈА ГП: ЛУИС ХАМИЛТОН И МЕРЦЕДЕС АМГ НАЈБРЗИ НА ДЕНЕШНИТЕ ТРЕНИНЗИ

Луис Хамилтон го имаше најбрзото време на денот, и најави дека Ред Бул би требало да имаат достојна конкуренција во утрешните Квалификации на патеката Јеонгам, Кореја. Тој беше една десетинка побрз од Себастијан Ветел, за потоа да следат Нико Розберг и Марк Вебер во уште една десетинка разлика. Тоа се најверојатно двата тима и 4 возачи кои ќе се борат со реални шанси за освојување на првата стартна позиција. За трката во борбата за Победа ќе им се придружат тимовите на Ферари и Лотус, бидејќи и тие покажаа солидна темпо на долгите стинтови. Хамилтон со интересна изјава дека е уверен дека неговиот тим нема да има проблеми со деградација на гумите.

"Навистина сум задоволен со начинот на кој поминаа денешните сесии. Имаме некои подобрувања што можеме да ги направиме, но се на се болидот се однесуваше добро. Ова е, всушност, прв пат да почувствувам дека тренинзите поминале добро, барем колку што можам да се сетам. Болидот се однесува одлично на оваа патека. Изгледа како да сме конкурентни."

Себастијан Ветел, неговиот најблизок конкурент мисли дека постои одреден простор за подобрување на нивното темпо: "Ќе биде тесно со Мерцедес АМГ, се разбира, ние не сме сигурни во количината на гориво во другите болиди, но се чини дека ќе имаме блиска борба на утрешните квалификации. Ми се допаѓа оваа патека, штета што е толку далеку од Сеул, кој е голем град, но од друга страна атмосферата е потивка отколку на некои други трки, што значи дека ние може да се фокусираме на нашата работа."

Двете тренинг сесии се одржаа на топло и суво време со температури околу 24 степени целзиусови. Сепак, за остатокот од викендот, се предвидуваат променливи временски услови, што би можело да доведе до влажна трка во неделата. А во Ферари на дождот гледаа како фактор кој може да промени многу:

"Прогнозата за недела е дожд, но сега за сега патеката Јеонгам е исполнета во сонце и температура е 20 степени. Фелипе Маса на втората сесија заврши на петтото место со време од 1.39.114, додека Фернандо Алонсо беше седми во 1.39.444. Резултатите се надежни, но тие не би значеле ништо, ако навистина дождот пристигне во недела."

Лотус е последен од најбрзите четири тимови кој може да направи нешто повеќе во Кореја. Роман Грожан го заврши првиот ден со шестото, додека неговиот тимски колега Кими Раиконен го забележа осмото најбрзо време. Механичарите на Кими имаа доста работа за да го поправат неговиот E21 по екскурзијата во бариерите на крајот на првата тренинг сесија. Кими не е повреден во инцидентот, но штетата предизвикана на болидот беше позначителна.

Кими изјави дека болидот се однесува прилично добро, особено на долгите стинтови: "Очигледно, не помогна фактот што утрово уништив дел од болидот, можеби ми снема талент во тој момент! Штетата не беше преголема и болидот беше спремен за вториот тренинг. Момците направија добра работа и успеавме да ја завршиме планираната програма за денес. Болидот се однесува прилично добро, особено на долгите стинтови, а тоа е добра вест за трката. На кратки стинтови, не е се како што посакувам, но ние се уште имаме малку време за да направиме некои подобрувања и на тој план."
ПРВ СЛОБОДЕН ТРЕНИНГ

 П.       ВОЗАЧ           ТИМ            ВРЕМЕ     РАЗЛИКА КРУГОВИ   
 1. Луис Хамилтон       Мерцедес АМГ    1:39.630             20
 2. Себастијан Ветел    Ред Бул         1:39.667   + 0.037   20
 3. Марк Вебер          Ред Бул         1:39.816   + 0.186   19 
 4. Нико Розберг        Мерцедес АМГ    1:40.117   + 0.487   20
 5. Џенсон Батон        Мекларен        1:40.215   + 0.585   22
 6. Фернандо Алонсо     Ферари          1:40.374   + 0.744   18
 7. Роман Грожан        Лотус           1:40.396   + 0.766   19
 8. Кими Раиконен       Лотус           1:40.677   + 1.047   15
 9. Серџо Перез         Мекларен        1:40.860   + 1.230   20
10. Фелипе Маса         Ферари          1:40.880   + 1.250   13
11. Нико Хулкенберг     Заубер          1:40.899   + 1.269   20
12. Адријан Сутил       Форс Индија     1:41.432   + 1.802   18
13. Пастор Малдонадо    Вилијамс        1:41.482   + 1.852   22
14. Естебан Гутиерес    Заубер          1:41.626   + 1.996   21
15. Жан-Ерик Верн       Торо Росо       1:41.924   + 2.294   19
16. Валтери Ботас       Вилијамс        1:42.002   + 2.372   20
17. Даниел Рикиардо     Торо Росо       1:42.043   + 2.413   18
18. Џејмс Каладо        Форс Индија     1:43.008   + 3.378   21
19. Чарлс Пик           Катерам         1:43.660   + 4.030   20
20. Гидо ван дер Гард   Катерам         1:43.883   + 4.253   19
21. Макс Чилтон         Марусија        1:44.100   + 4.470   14
22. Родолфо Гонзалес    Марусија        1:46.810   + 7.180   10

ВТОР СЛОБОДЕН ТРЕНИНГ

 П.       ВОЗАЧ           ТИМ            ВРЕМЕ     РАЗЛИКА КРУГОВИ   
 1. Луис Хамилтон       Мерцедес АМГ    1:38.673             31
 2. Себастијан Ветел    Ред Бул         1:38.781   + 0.108   30
 3. Нико Розберг        Мерцедес АМГ    1:38.797   + 0.124   32
 4. Марк Вебер          Ред Бул         1:38.844   + 0.171   35
 5. Фелипе Маса         Ферари          1:39.114   + 0.441   30
 6. Роман Грожан        Лотус           1:39.226   + 0.553   34
 7. Фернандо Алонсо     Ферари          1:39.444   + 0.771   31
 8. Кими Раиконен       Лотус           1:39.757   + 1.084   33
 9. Џенсон Батон        Мекларен        1:39.774   + 1.101   29
10. Адријан Сутил       Форс Индија     1:40.006   + 1.333   34
11. Пол ди Реста        Форс Индија     1:40.007   + 1.334   34
12. Серџо Перез         Мекларен        1:40.152   + 1.479   31
13. Естебан Гутиерес    Заубер          1:40.186   + 1.513   33
14. Нико Хулкенберг     Заубер          1:40.210   + 1.537   34
15. Жан-Ерик Верн       Торо Росо       1:40.446   + 1.773   30
16. Даниел Рикиардо     Торо Росо       1:40.552   + 1.879   26
17. Пастор Малдонадо    Вилијамс        1:41.117   + 2.444   35
18. Валтери Ботас       Вилијамс        1:41.289   + 2.616   34
19. Гидо ван дер Гард   Катерам         1:42.461   + 3.788   36
20. Чарлс Пик           Катерам         1:42.798   + 4.125   35
21. Жил Бјанки          Марусија        1:43.108   + 4.435   31
22. Макс Чилтон         Марусија        1:43.441   + 4.768   29