Патеката ја сочинуваат три различни сектори, од кои првиот сектор има долг правец и силна завршна зона на кочење, вториот сектор изобилува со долги, но и остри кривини, а третиот сектор наликува на улична трка меѓу бетонски ѕидови. Престигнувањето е возможно во зоните на силно кочење. Корејското Гранд При е најголемиот спортски настан што се одржува во Јужна Кореја со капацитет од 135.000 места.
ВОЗАЧИ:
• Себастијан Ветел е Победник на изминатите две трки на Јеонгам патеката, и пропушти можна победа во 2010 година поради проблеми со моторот. Тој во 2010 година се квалификуваше на Пол позицијата, а останатите два пати статува како втор.
• Марк Вебер минатата година ја освои Пол позицијата, но трката ја заврши на второ место, но и тоа е подобрување во однос на својата прва завршена трка во Кореја , кога беше трет. На првата трка, исто како и Себастијан Ветел, не ја заврши трката, но тој поради извртување на патеката.
• Фернандо Алонсо како што напоменавме е возач кој со старт од третата позиција успеа да ја забележи инаугуративната Победа на оваа патека одржана во 2010 година. Од тогаш има едно 5-то и 3-то место од минатата година. Шпанецот се нема квалификувано на првиот стартен ред.
• Фелипе Маса нема се квалификувал досега два пати на шестата, 2010 и 2012 година и еднаш на петтата позиција во 2011 година. Најдобар резултат, и единствен пласман на Подиумот, му е третото место на првата трка во 2010 година.
• Џенсон Батон нема добри настапи во Кореја, и имаше само една успешна трка 2011 година, кога се квалификуваше на третата стартна позиција, за трката да ја заврши на 4-тото место.
• Серџо Перез нема пласман во Топ 10 во двете негови трки на оваа патека.
• Кими Раиконен минатата година беше дебитант на оваа патека, се квалификуваше на 5-тата позиција, и ја заврши трката на 5-то место.
• Роман Грожан е уште еден дебитант од минатата година, се квалификуваше на 7-тата позиција, и ја заврши трката на 7-то место.
• Нико Розберг од три старта не успеа да завши две трки, без позначителни успеси на Квалификациите, само една 5-та позиција во 2011 година, кога и ја заврши единствената трка до сега, но само на осмо место.
• Луис Хамилтон е возачот со најмногу втори места на оваа патека, и тоа во 2010 и 2011 година. Во 2011 година ја освои Пол позицијата. Минатата година имаше изненадувачки слаба трка и на крај стигна до последниот бод со пласман на 10-тото место.
• Нико Хулкенберг беше 10-ти пред две години. Минатата година, имаше доста добра трка, и по две претекнувања на Роман Грожан заврши на шестото место.
• Пол ди Реста својот најдобар резултат во Кореја го има со 9-тата стартна позиција во 2011 година, кога трката ја заврши на 10-то место.
• Адријан Сутил од две стартувани трки, едната ја заврши пред да стигне до целта, во 2010, поради судир, а во 2011 година заврши на 11-тото место. Минатата година паузираше од Формула 1.
• Пастор Малдонадо минатата година се квалификуваше на 15-тата стартна позиција, но трката ја заврши на 14-то место, што е неговиот единствен и најдобар финиш во Кореја. Трката во 2011 година не ја заврши поради проблеми со моторот.
• Жан-Ерик Верн минатата година беше дебитант на оваа патека, на квалификациите беше 16-ти најбрз возач, а трката ја заврши на одличното 8 место.
• Даниел Рикиардо има два настапи на Јеонгам, 2011 година со болидот на ХРТ се квалификуваше на 24-тата стартна позиција, а трката ја заврши на 19-то место, за минатата година со Торо Росо да се квалификува на 21-та стартна позиција, и трката ја заврши на 9-то место. Неговите први бодови во Сингапур.
• Чарлс Пик во своето деби на Кореја ГП со тимот на Марусија не беше во можност да се квалификува подобро од 24-та позиција, но во трката напредуваше и заврши на 19-тото место.
• Естебан Гутиерез, Валтери Ботас, Макс Чилтон, Жил Бјанки, Гидо ван дер Гард се дебитанти на оваа трка.
ТИМОВИ
• Ред Бул има четири подиуми од можни шест во Кореја, со Ветел како победик на последните две трки. Од 2010 година имаат пет старта од првиот ред, вклучувајќи ги и еден-два пласманот во 2010 и 2012 година. Четвртата стартна позиција е најлошата за нив, освоена во 2011 година со Марк Вебер. Тие се единствениот тим со две Победи, две Пол позиции и два Најбрзи круга на оваа патека. Апсолутна доминација во трите одржани трки за Кореја ГП-то.
• Ферари има три подиуми во Кореја, вклучувајќи ја Победата на Алонсо на инаугуративната трка во 2010 година, и двете трети места, на Фелипе Маса во 2010 и Алонсо на минатогодишната трка.
• Мекларен ја има Пол позицијата во 2011 година благодарение на Хамилтон, и имаат две втори места со него во 2010 и 2011 година.
• Останатите тимови не фигурираа во статистиката за Кореја гп, освен во табелата на освоени поени, каде Ферари е на првото место, иако Ред Бул има две Победи тука: Ферари 85, Ред Бул 83, Мекларен 49, Лотус(+Рено) 26, Форс Индија 17, Мерцедес 16, Торо Росо 14, Вилијамс 7, БМВ Заубер 6
