2013 АБУ ДАБИ ГП: СЕПАК РЕД БУЛ Е НАЈБРЗИОТ ТИМ НА ПЕТОЧНИТЕ ТРЕНИНЗИ

Роман Грожан го постави најбрзото време на утринската тренинг сесија за Големата Награда на Абу Даби. Од тимот на Ред Бул како да ги имаа исклучено турбо копчето и Мерцедес АМГ и Лотус беа конкурентни со тимот на Ред Бул. Луис Хамилтон беше втор најбрз, пред ново крунисаниот Светски Шампион Себастијан Ветел, со третото најбрзо време. Како и секој петок на првиот тренинг сите возачи се борат за што повеќе грип, бидејќи патеката е "зелена" и видовме неколку грешки во различни делови на патеката, но не беа од посериозен карактер.

Можеби од непроспиените ноќи при прославата на титулите, Шампионот со невообичаена грешка при крајот од тренингот, кога не успеа да застане на определеното место во боксот и удри во гумата што беше во рацете на еден од неговите механичари. За среќа никој не беше повреден, а болдиот претрпе малку штета.

Првата тренинг сесија не е вистински показател на формата на тимовите, и беа користени само гумите со потврда смеша. Првично се истакнуваат Лотус, Мерцедес АМГ и Ред Бул, а Ферари со очајно слаби резултати. Ако не биле на друга програма за работа, нивната борба за второ место во конструктори нема баш светла иднина.
ПРВ СЛОБОДЕН ТРЕНИНГ- РОМАН ГРОЖАН СО НАЈБРЗО ВРЕМЕ

 П.     ВОЗАЧ            ТИМ           ВРЕМЕ     РАЗЛИКА КРУГОВИ
 1. Роман Грожан       Лотус          1:44.241              21
 2. Луис Хамилтон      Мерцедес АМГ   1:44.433   + 0.192    23
 3. Себастијан Ветел   Ред Бул        1:44.499   + 0.258    18
 4. Марк Вебер         Ред Бул        1:44.712   + 0.471    20
 5. Нико Розберг       Мерцедес АМГ   1:44.741   + 0.500    24
 6. Кими Раиконен      Лотус          1:44.929   + 0.688    23
 7. Пол ди Реста       Форс Индија    1:45.040   + 0.799    20
 8. Џенсон Батон       Мекларен       1:45.099   + 0.858    20
 9. Пастор Малдонадо   Вилијамс       1:45.150   + 0.909    24
10. Серџо Перез        Мекларен       1:45.331   + 1.090    20
11. Нико Хулкенберг    Заубер         1:45.378   + 1.137    23
12. Фернандо Алонсо    Ферари         1:45.440   + 1.199    18
13. Валтери Ботас      Вилијамс       1:45.823   + 1.582    22
14. Џејмс Каладо       Форс Индија    1:45.924   + 1.683    20
15. Естебан Гутиерес   Заубер         1:46.068   + 1.827    18
16. Жан-Ерик Верн      Торо Росо      1:46.114   + 1.873    22
17. Фелипе Маса        Ферари         1:46.124   + 1.883    18
18. Даниел Рикиардо    Торо Росо      1:46.126   + 1.885    21
19. Чарлс Пик          Катерам        1:47.600   + 3.359    22
20. Хеики Ковалаинен   Катерам        1:47.670   + 3.429    22
21. Жил Бјанки         Марусија       1:47.723   + 3.482    23
22. Родолфо Гонзалес   Марусија       1:49.565   + 5.324    22

Таман се понадевавме дека во Ред Бул се сеуште "опиени" од минатонедлниот успех, Себастијан Ветел и Марк Вебер се вратија на врвот од табелите на вториот слободен тренинг за Абу Даби ГП-то. Откако беше засенет од страна на Лотус и Мерцедес АМГ во предпладневната сесија, Ред Бул повторно со најбрзото време на петочните тренизи.

Роман Грожан, звездата на првиот тренинг, на средината од втората сесија, имаше излетување на една од шиканите и го извести својот тим преку радиото дека нешто се скршило на неговиот болид. Кога се врати во гаражата, механичарите работеа на неговата предна десна кочница, но Французинот пропушти околу 20 круга на возење.

Формата на Мекларен оди во нагорна линија, па Серџо Перез и Џенсон Батон беа побрзи од болидите на Ферари, кои пак одат во надолна линија и се наговестува уште еден слаб викенд за нив.

Нико Хулкенберг, кој никако да најде возачко место за наредната сезона, од толку многу платеници, повторно во најбрзите десет, но во овие тажни времиња за Формула 1 возачите, кога талентот нема предност пред парите.

Долгите стинтови повторно покажуваат дека Ред Бул е најбрзиот тим, следуваат Мерцедес АМГ и Лотус. Мекларен денес покажа добри перформанси и е тука некаде, со овие два тима, а Ферари малку заостанува зад сите овие тимови. Квалификациите се утре, Сабота, 2 Ноември, со почеток од 14 часот.
ВТОР СЛОБОДЕН ТРЕНИНГ

 П.    ВОЗАЧ             ТИМ           ВРЕМЕ     РАЗЛИКА КРУГОВИ
 1. Себастијан Ветел   Ред Бул        1:41.335              33
 2. Марк Вебер         Ред Бул        1:41.490   + 0.155    32
 3. Луис Хамилтон      Мерцедес АМГ   1:41.690   + 0.355    37
 4. Кими Раиконен      Лотус          1:41.726   + 0.391    40
 5. Нико Розберг       Мерцедес АМГ   1:41.758   + 0.423    39
 6. Серџо Перез        Мекларен       1:42.006   + 0.671    35
 7. Џенсон Батон       Мекларен       1:42.010   + 0.675    30
 8. Фернандо Алонсо    Ферари         1:42.171   + 0.836    30
 9. Нико Хулкенберг    Заубер         1:42.324   + 0.989    40
10. Фелипе Маса        Ферари         1:42.440   + 1.105    35
11. Естебан Гутиерес   Заубер         1:42.509   + 1.174    37
12. Роман Грожан       Лотус          1:42.607   + 1.272    18
13. Пол ди Реста       Форс Индија    1:42.806   + 1.471    26
14. Пастор Малдонадо   Вилијамс       1:42.952   + 1.617    35
15. Адријан Сутил      Форс Индија    1:42.998   + 1.663    25
16. Даниел Рикардо     Торо Росо      1:43.152   + 1.817    28
17. Жан-Ерик Верн      Торо Росо      1:43.271   + 1.936    35
18. Валтери Ботас      Вилијамс       1:43.565   + 2.230    34
19. Гидо ван дер Гард  Катерам        1:44.138   + 2.803    34
20. Жил Бјанки         Марусија       1:44.459   + 3.124    34
21. Чарлс Пик          Катерам        1:44.525   + 3.190    37
22. Макс Чилтон        Марусија       1:45.565   + 4.230    26