Меѓународната патека Мајами е привремен објект, но дизајнирана да има трајно чувство. Сместена во рамките на Хард Рок стадионот во Мајами Гарденс, дом на познатата франшиза на NFL, Мајами Делфини, патеката е кулминација на развојниот процес кој симулираше не помалку од 36 различни конфигурации пред да се одбере конечната верзија со 19 свиоци. Тоа е градска патека, слична на таа во Алберт Парк, Мелбурн.
- Кога беше првата трка?
Инаугуралната трка за Големата Награда на Мајами се одржа во 2022 година. Тоа беше втора трка во Формула 1 календарот која се вози на територијата на САД, приклучувајќи се на Големата Награда на Соединетите Држави која се вози на патеката во Остин, Тексас. Ова е единаесетта различна патеката на американско тло на која се вози трка од Ф1 Шампионатот.
- Каква е патеката?
Спектакуларна градска патека. Со Хард Рок стадионот во нејзиниот епицентар, патеката е долга 5.41 километри, има 19 свиоци, три правци, три ДРС-зони и максимална брзина од 340 км/ч. Има и висински промени, од кои главната се наоѓа помеѓу свиоците 13 и 16.
