2013 АБУ ДАБИ ГП: СЕБАСТИЈАН ВЕТЕЛ ЈА ПОКОРИ И ЈАС МАРИНА

Себастијан Ветел во Абу Даби ја забележа неговата 7-ма последователна Победа со едно од најдоминантните возења во историјата на Формула 1. Со тоа го изедначи рекордот на Михаел Шумахер од седум последователни победи во една сезона. Ако Ветел Победи и на преостанатите две трки тој ќе се изедначи со првиот на оваа листа со девет Победи кој е во сопственост на Алберто Аскари.

Марк Вебер како по обичај немаше добар старт и беше претекнат од двете страни на патеката, од една беше неговиот тимски колега, а од другата Мерцедесот на Нико Розберг. Розберг се бранеше од Вебер, а Ветел замина далеку напред и си имаше своја вообичаена трка, константно зголемувајќи ја предноста пред сите останати болиди.

Нема што повеќе да се каже освен дека Ред Бул нема конкуренција, Мерцедес АМГ ја добива битката со Ферари за второто место во конструктори, Алонсо пополека може да го загуби второто место во возачи.

Тоа е нема борба, немаат жар трките, од првите метри по стартот се знае Победникот, ако не и пред самиот старт. Во очекување на следната сезона, ни останува да најдеме утеха во добрите престигнувања за пониските места на патеката, кои за волја на вистината не недостигаат, но тоа не тоа. За две недели, 15 Ноември, следува Големата Награда на САД, во Остин, Тексас.

АБУ ДАБИ ГРАН ПРИ, ЈАС МАРИНА;
55 круга, 305.355 км., Време: Зајдисонце.

ПЛАСМАН:
 П.     ВОЗАЧ                 ТИМ                ВРЕМЕ  
 1. Себастијан Ветел       Ред Бул           1ч41:14.000
 2. Марк Вебер             Ред Бул            +   30.800
 3. Нико Розберг           Мерцедес АМГ       +   33.600
 4. Роман Грожан           Лотус              +   34.800
 5. Фернандо Алонсо        Ферари             + 1:07.100
 6. Пол ди Реста           Форс Индија        + 1:18.100
 7. Луис Хамилтон          Мерцедес АМГ       + 1:19.200
 8. Фелипе Маса            Ферари             + 1:22.800
 9. Серџо Перез            Мекларен           + 1:31.100
10. Адријан Сутил          Форс Индија        + 1:33.200
11. Пастор Малдонадо       Вилијамс           + 1:35.900
12. Џенсон Батон           Мекларен           + 1:43.600
13. Естебан Гутиерез       Заубер             + 1:44.100
14. Нико Хулкенберг        Заубер             +   1 круг
15. Валтери Ботас          Вилијамс           +   1 круг
16. Даниел Рикиардо        Торо Росо          +   1 круг
17. Жан-Ерик Верн          Торо Росо          +   1 круг
18. Гидо бан дер Гард      Катерам            +   1 круг
19. Чарлс Пик              Катерам            +   1 круг
20. Жил Бјанки             Марусија           +  2 круга
21. Макс Чилтон            Марусија           +  2 круга

НАЈБРЗ КРУГ: Фернандо Алонсо 1:43.434                   

БЕЗ ПЛАСМАН:
ВОЗАЧ               ТИМ             ПРИ КРУГ            
Кими Раиконен       Лотус              1

ПЛАСМАН ПО 15 ТРКИ:
 ВОЗАЧИ:                      КОНСТРУКТОРИ:             
 1. С.Ветел         347       1. Ред Бул          513
 2. Ф.Алонсо        217       2. Мерцедес АМГ     334
 3. К.Раиконен      183       3. Ферари           332
 4. Л.Хамилтон      175       4. Лотус            297
 5. М.Вебер         166       5. Мекларен          95
 6. Н.Розберг       159       6. Форс Индија       77
 7. Р.Грожан        114       7. Заубер            45
 8. Ф.Маса          106       8. Торо Росо         32
 9. Џ.Батон          60       9. Вилијамс           1
10. П.Ди Реста       48
11. Н.Хулкенберг     39
12. С.Перез          35
13. А.Сутил          29
14. Д.Рикиардо       19
15. Ж.Верн           13
16. Е.Гутиерез        6
17. П.Малдонадо       1