ФЕРАРИ СО БЛАГОДАРНОСТ ЗА ФЕЛИПЕ МАСА

Ферари овој викенд му оддаде почит на Фелипе Маса, својот возач во заминување, посветувајќи му ја финалната приредба надвор од патеките за оваа сезона, што традиционално се одржува секоја сезона. Маса, кој има 11 Победи и беше блиску до Титулата во 2008 година по поминати осум години со Скудерија, го напушта тимот за да направи простор за поранешниот тимски колега Кими Раиконен.

Настанот се одржа на домашната патека за Ферари, Муџело, а 15.000 фанови можеа да проследат многу демо возења. Лука ди Монтеѕемоло, Претседателот на Ферари, беше присутен на патеката, и го пофали Маса како "вистински Ферариста"

"Заедно поминавме многу среќни моменти, но и некои потешки, како што беше несреќата во Будимпешта. Тоа беа многу исполнети години и сакав да му се заблагодарам јавно. Време е за промени и да се најдат нови мотивациии. Фелипе беше вистински Ферариста и тој секогаш ќе биде дел од нашата историја. Тој секогаш ќе биде дел од нашето семејство."