2014 КАНАДА ГП: НИКО ИЛИ ЛУИС ПРАШАЊЕТО Е СЕГА?!?

Патеката Жил Вилнев во Монтреал е интересена мешавина на долги и брзи правци и бавни кривини. Пирели ги носи меките и супер-меките гуми, т.е. соединенијата со низок работен опсег, што ги прави совршени за најавените временски услови на оваа полу-постојана патека. Заедно со Сингапур, Кореја и Монако, Канада има многу висока веројатност за безбедносниот автомобил. Ова е една од причините зошто флексибилна стратегија често дава добри резултати. Безбедносниот автомобил може да го промени текот на трката во целост, и додека тоа не беше случај во Монако пред две недели, во Канада има многу повеќе можности за престигнување.

Со полу-постојана патека која не се користи интензивно во текот на годината, постои ризик од грејнинг, но тренинзите не донесоа многу причини за загриженост на оваа тема. Задните гуми се особено оптоварени во Монтреал, што се должи на големата тракција што се бара за излез од бавните кривини, особено сега кога ПЕ имаа зголемен вртежен момент. Многу е лесно возачите да предизвикаат пролизгување на тркалата, ако премногу пртиснат на педалата за гас, а тоа е особено опасно при последната кривина каде се наоѓа добро познатиот "ѕид на шампионите".

Жил Вилнев патеката има најкраток круг во поглед на времето потребно тој да се комплетира, а зоните на нагло сопирање пред бавните кривини ја зголемуваат потрошувачката, па, за трката ќе бидат потребни повеќе од дозволените 100 килограми гориво. Тоа значи дека од клучно значење ќе биде добрата работа на ЕРС-состемот.

Трката започнува од 20:00 часот, на првите две стартни позиции се болидите на Мерцедес АМГ, останува само да видиме кој од нивните возачи ќе биде Победникотна 2014 Канада ГП-то.

Оптоварување на составните делови на погонската единица

Мотор	4
MGU-K	3
MGU-H	4
Акумулатор	2
Потрошувачка на гориво	3
ERS-систем	4

* Оценки спрема инженерите на Рено од 1-5