Само неколку минути порано работите не се одвиваа баш најдборо за Розберг. Лошиот старт овозможи да биде поминат од Хамилтон и Себастијан Ветел. Храбриот обид на Ветел да го помине Хамилтон од надворешната страна на истата кривина резултираше со излегување надвор од патеката со што возачот на Ред Бул му го предаде второто место на Нико Розберг. Германецот ја премина стартно/целната линија и го започна судбоносниот втор круг со 7 десетинки заостанување зад Хамилтон. Розберг излезе од О Руж со околу 6 км/ч поголема брзина од Хамилтон. Тој немаше избор освен да го нападне.
Хамилтон отиде во дефанзива и Розберг се пресели кон надвор, протатнувајќи низ Kemmel правецот. На преминот во Les Combes, предното тркало на Розберг беше некаде помеѓу задните тркала и средната точка на болидот од Хамилтон, по што тој одлучи да нападне. Тоа не беше неразумна одлука, бидејќи Хамилтон забави малку премногу, па имаше можност за уфрлање од надворешната страна и превземање на внатрешната линија за левиот свиок што следува веднаш.
Но, кога стана јасно дека вратата се затвора, никој не знае точно што се случува низ главата на Розберг? Можеби тоа беше трката во Бахреин, каде што тој не беше задоволен од тоа што беше принуден да ја симне ногата од педалата за гас за да се избегне судир, кога се обидуваше да го претекне Хамилтон од надворешната страна за водство во трката. Можеби тоа беше минатиот месец во Унгарија, каде што беше лут поради одбивањето на Хамилтон да го пропушти. Но, она на што тој сигурно не помисли е двојната Победа за Мерцедес АМГ.
Розберг имаше дел од секундата да се одлучи дали или нема да излезе надвор од патеката и да се елиминира ризикот од контакт. Тој одлучи да не ја напушти патеката и десната страна на неговото предно крило ја гребна гумата на Хамилтон. Резултатот беше дупната гума за Хамилтон и оштетено предно крило за Розберг.
"Сепак успеав да навлезам во свиокот по истата линија како што би го направил тоа во нормална ситација и јас само почуствував тежок удар. Мислев дека ќе има истрага."
Потоа дојде бомбастичната изјава на Хамилтон, откривајќи дека Розберг изјавил дека тој тоа го направил намерно, дека можел да го избегне судирот и дека тоа го направил да да докаже некоја поента. Тоа е коментар кој бара малку повеќе контекст. Она што Хамилтон го изјави не беше под принуда или по интензивно сослушување, туку е доброволно, по пауза од неговото објаснување на она што се случило. По првиот истрел, Хамилтон одлучи, легитимно, да одговори со откривање на позиција на Розберг од брифингот на тимот по завршување на трката.
Но, секако, тоа не значи дека Розберг го имал тоа на ум кога го започна претекнувањето. Она што беше намерно е што одлучи да не го прекине претекнувањето, како што тоа го направи Ветел еден круг порано. Не е премногу јасно која поента сакал да ја постигне Розберг при овој потег, но се чини дека најверојатно чувствувал дека премногу пати, пред се во Бахреин, беше тој што мораше да попушта за да се спречи судир. Тој чувствувал дека Хамилтон требало да остави поголем простор за него од надворешната страна на Les Combes.
"Можете да прашате Фернандо [Алонсо], можете да ги прашате сите возачи: кога болидот е помалку од половина должина покрај вас и вие сте од внатрешниот дел на свиокот, тоа е вашата тркачка линија", рече Хамилтон. "Не е твоја должност да одите надвор од вашата линија и да ослободите дополнителен простор. Плус, тоа не беше еден од оние свиоци каде има ѕид или нешто, а Себастијан, круг претходно, беше понапред, но тој беше разумен околу тоа."
Стјуардите кратко го разгледаа инцидентот, но немаше официјална истрага. И тоа со право. Розберг е виновен за недостаток на прагматизам, но тој имаше право да се обиде да претекнува. Ако овој судир се случеше помеѓу возачи од различни тимови, тоа ќе се сметаше како тркачки инцидент предизвикан од прекумерниот оптимизам на Розберг, а не некаква злоба. Попаметен потег за Розберг ќе беше ако почекаше, бидејќи круг подоцна тој ќе ја имаше предноста на ДРС-от. Но, неговата неподготвеност да зборува за судирот по завршувањето на трката навести дека тој сфатил дека не го направил вистинскиот потег.
"Како што стјуардите одлучија дека е тркачки инцидент, тоа е начинот на кој може да се опише", рече тој на неколку часа подоцна. "При таков инцидент, природно е да се имаат различни мислења. Тоа е сосема нормално и јас го разбирам британскиот народ, кој има тенденција да биде на страната на Луис и Германците кои ќе бидат на моја страна, тоа е природата на работа."
Неможноста Луис да освои поени и второто место на Розберг значеше зголемување на предноста задополнителни 18 поени во генералниот пласман на возачи. Од таа перспектива, исходот е позитивен за него, особено што постојат ограничувања на она што е најавено како "последици" од страна на менаџерскиот тим, кој го дели мислењето на Хамилтон околу овој судир.
Но, ова не беше влетувањето на Алан Прост во Аиртон Сена на Сузука во 1989 година, и тоа сигурно не беше судирањето на Сена во Прост на исто место една година подоцна, па исвиркувањето на Розберг беше диспропорционална реакција. Наместо тоа, ова беше вагање на потенцијалните плусеви и минуси на шампионски натпреварувач за или против избегнување на судир, предизвикан од тоа што Хамилтон не успеал да му даде доволно простор. Нико знаеше дека има 11 поени предност, па можеше да си дозволи да се докаже неговата поента, а 18-те поени во негова корист се бонус. Борбите за Шампинската Титула секогаш се многу ризични партии на покер, со вагање на ризикот наспроти наградата, и Розберг, секако, ќе биде среќен да ги преземе сите критики врз себе со оглед на нето резултатот.
Рикиардо ја заврши трката со нешто повеќе од три секунди предност пред Германецот, уште еднаш, покажувајќи дека може да вози и под притисок. Австралијанецот, сега трикратен гран-при победник, блескаше на подиумот, а за Розберг тоа беа непријатни моменти, и покрај комфорната предност од 29 поени.
Големите борби за Титулата се често спорни. Иако Розберг е виновен за непромисленото расудување и за тоа што требаше да се повлече од неговиот потег, тој се обиде на легитимен, но оптимистички начин да претекне, при тоа профитирајќи многу повеќе отколку што можеше да се надева. Ова не е кривично дело како што некои сакаат да направат да изгледа.
Негодувањето на Хамилтон, по она што се случи е сосема разбирливо. Тој сигурно не направи ништо погрешно и знае дека можеби ни дури четири последователни победи нема да му овозможат да се најде на првото место во генерален пласман на возачи. Само времето ќе покаже како овој дуел од вториот круг на Белгиското ГП навистина ќе влијае на шампионатот. Одговорот на Хамилтон на прашањето дали тој ќе може да му верува на Нико, ако тие се најдат во блиска борба, тркало до тркало, при првиот свиок во Монза би можело да биде пресвртница во односите во Мерцедес АМГ.
"Ќе треба да се осигурам да не дојде до тоа".
