2014 ИТАЛИЈА ГП: НИКО РОЗБЕРГ НАЈБРЗ, ЛУИС ХАМИЛТОН СО ПРОБЛЕМАТИЧЕН ВТОР ТРЕНИНГ

На попладневниот тренинг најбрзото време го забележа Нико Розберг, благодарение на тоа што Луис Хамилтон имаше проблеми со болидот, па првите 60-тина минути од сесијата ги преседе во гаражата. Сепак, тоа и не е некој проблем за Британецот, кога се има најбрзиот болид, но и се делат добиените податоци помеѓу двајцата нивни возачи.

Она што радува е фактот што Ферари ги имаше третото и четврто најбрзо време, со многу малку заостанување зад водечките болиди на Мерцедес АМГ. Повторно Кими Раиконен е добро расположен и беше само десетинка зад најбрзото време. Фернандо Алонсо веднаш зад него со околу 2 десетинки заостанување зад својот тимски колега.

Во најбрзите 10 имаше место за болидите на Вилијамс, одличниот Мекларен и Ред Бул. Toa се тимовите кои ќе се борат за подиумот,  борбата помеѓу Вилијамс и Ферари се очекува да биде возбудлива, а меѓу водечките може да се замешаат болидите на Мекларен и Ред Бул. Даниел Рикиардо имаше многу проблематичен ден, па затоа и не можеше да биде подобро пласиран на табелата.

На долниот дел од табелата Марусија беше побрза од Лотус, тим кој има големи проблеми на оваа патека. Камуи Кобајаши се врати во болидот на Катерам и беше побрз од Маркус Ериксон, кој веќе покажува дека не е и некој возач, а единственото нешто што го држи на патеката се неговите јаки спонзори. Досега не успеа да биде побрз од нити еден тимски колега, а изминативе недели ги имаше многу.

Утре не очекува Саботниот тренинг во 11:00 СЕТ/МК и Квалификациите кои започнуваат во 14:00 часот.
ВТОР СЛОБОДЕН ТРЕНИНГ

ВОЗАЧ	ТИМ	ВРЕМЕ	РАЗЛИКА	КРУГОВИ
1. Нико Розберг	Мерцедес АМГ	1:26.225		41
2. Луис Хамилтон	Мерцедес АМГ	1:26.286	+ 0.061	16
3. Кими Раиконен	Ферари	1:26.331	+ 0.106	31
4. Фернандо Алонсо	Ферари	1:26.565	+ 0.340	26
5. Валтери Ботас	Вилијамс	1:26.758	+ 0.533	34
6. Џенсон Батон	Мекларен	1:26.762	+ 0.537	34
7. Себастијан Ветел	Ред Бул	1:26.762	+ 0.537	27
8. Кевин Магнусен	Мекларен	1:26.881	+ 0.656	44
9. Фелипе Маса	Вилијамс	1:26.935	+ 0.710	33
10. Даниел Рикиардо	Ред Бул	1:26.992	+ 0.767	37
11. Серџо Перез	Форс Индија	1:27.079	+ 0.854	42
12. Нико Хулкенберг	Форс Индија	1:27.227	+ 1.002	39
13. Дањил Квјат	Торо Росо	1:27.476	+ 1.251	37
14. Естебан Гутиерез	Заубер	1:27.840	+ 1.615	33
15. Жан-Ерик Верн	Торо Росо	1:27.929	+ 1.704	33
16. Адријан Сутил	Заубер	1:28.029	+ 1.804	35
17. Жил Бјанки	Марусија	1:28.659	+ 2.434	34
18. Пастор Малдонадо	Лотус	1:28.700	+ 3.475	42
19. Макс Чилтон	Марусија	1:28.786	+ 3.561	29
20. Роман Грожан	Лотус	1:29.085	+ 3.860	29
21. Камуи Кобајаши	Катерам	1:29.178	+ 3.953	32
22. Маркус Ериксон	Катерам	1:29.275	+ 4.050	37