2014 АБУ ДАБИ ГП: ПРОДОЛЖУВА ДОМИНАЦИЈАТА НА МЕРЦЕДЕС АМГ И ЛУИС ХАМИЛТОН

Мерцедес продолжи со својата доминација и на вториот тренинг за Големата Награда на Абу Даби, повторно Луис Хамилтон со најбрзото време на денот со мала предност во однос на Нико Розберг.

Нико Розберг изјави дека полага надеж во болидите на Вилијамс, но нивната денешна форма вели дека ништо од тоа во неделната трка. Трето најбрзо време имаше Кевин Магнусен со болидот на Мекларен, но со заостанување од 0.7 секунди. Шпекулациите во падокот се дека делата на Питер Продромоу, бившиот аеродинамичар на Ред Бул, доаѓаат до израз на оваа патека на болидите на Мекларен.

Себастијан Ветел повторно побрз од својот тимски колега Даниел Рикиардо, а меѓу нив се протна Валтери Ботас со болидот на Вилијамс. Проблематична сесија за Фернандо Алонсо чиј болид застана на патеката веќе во почетните минути, оставајќи го без поставено време и на последната позиција на табелата. Затоа, Кими Раиконен беше многу подобар од утринската сесија со седмото најбрзо време, пред Мекларенот на Џенсон Батон, кој и покрај проблемите со хидрауликата и прескокнување на првиот половина час од сесијата имаше солидно осмо најбрзо време.

Дањил Квјат имаше деветто најбрзо време со Торо Росо, пред Вилијамсот на Фелипе Маса, кој го заокружи пласманот на најбрзите 10 возачи.

Утрешните квалификации започнуваат во 14:00 часот по македонско време.

ВТОР СЛОБОДЕН ТРЕНИНГ

ВОЗАЧ	ТИМ	ВРЕМЕ	РАЗЛИКА	КРУГОВИ
1. Луис Хамилтон	Мерцедес АМГ	1:42.115		35
2. Нико Розберг	Мерцедес АМГ	1:42.196	+ 0.083	37
3. Кевин Магнусен	Мекларен	1:42.895	+ 0.782	37
4. Себастијан Ветел	Ред Бул	1:42.959	+ 0.846	33
5. Валтери Ботас	Вилијамс	1:43.070	+ 0.957	34
6. Даниел Рикиардо	Ред Бул	1:43.183	+ 1.070	32
7. Кими Раиконен	Ферари	1:43.489	+ 1.376	33
8. Џенсон Батон	Мекларен	1:43.503	+ 1.390	23
9. Дањил Квјат	Торо Росо	1:43.546	+ 1.433	38
10. Фелипе Маса	Вилијамс	1:43.558	+ 1.445	34
11. Серџо Перез	Форс Индија	1:43.746	+ 1.633	37
12. Пастор Малдонадо	Лотус	1:44.005	+ 1.892	38
13. Нико Хулкенберг	Форс Индија	1:44.068	+ 1.955	32
14. Жан-Ерик Верн	Торо Росо	1:44.157	+ 2.044	39
15. Естебан Гутиерез	Заубер	1:44.316	+ 2.203	38
16. Адријан Сутил	Заубер	1:44.763	+ 2.650	37
17. Роман Грожан	Лотус	1:44.986	+ 2.873	35
18. Камуи Кобајаши	Катерам	1:45.505	+ 3.392	38
17. Вил Стивенс	Катерам	1:47.057	+ 4.944	34
18. Фернандо Алонсо	Ферари	/	/	2