ТОРО РОСО STR10 - БОЛИД ЗА ПЕТТО МЕСТО

Тимот на Торо Росо, со почеток во 17 часот, на патеката во Херез го промовираше новиот болид STR10. Како што кажува и самото име на болидот, 2015 година ќе биде десеттата сезона на Скудерија Торо Росо во Формула 1 Шампионатот. Нивната нова возачка постава, составена од Макс Ферстапен и Карлос Саинц Јуниор ја тргнаа покривката од болидот, на еден ден пред почетокот на првата пред сезонска четири дневната тест сесија.

STR10 е конструиран под водство на техничкиот директор, Џејмс Ки, како и главните дизајнери Паоло Марабини (главен дизајнер - Композити и Конструкција) и Матео Пирачини (главен дизајнер - Механика и Системи) Изграден од страна на тим во Фаенца, Италија, својот облик го должи на напорната работа на персоналот од воздучниот тунел во Бичестер, Велика Британија.

Карлос Саинц ЈР. ќе ја има честа да го испроба прв во неговата родна Шпанија. Тој ќе вози во недела и вторник, додека другиот дебитант на тимот Макс Ферстапен ќе го вози во понеделник и среда.