Роб Смедли рече: "Ако побараме два тима кои направиле огромен напредок, тоа се Ферари и Заубер. Што е заедничко за нив? Одговорот е прилично јасен, Ферари ПЕ е голем чекор напред..."
Фелипе Маса, исто така, има само пофални зборови за Ферари ПЕ: "Ако се погледне каде ја завршивме сезоната и каде сме сега, тие имаат направено голем чекор. Само погледнете ги времињата по кругови. На крајот на минатата сеозна, бевме 12-15км/ч побрзи од Ферари, а сега тие се слични, и можеби се малку побрзи од нас."
Мониша Калтенборн, тимскиот шеф на Заубер, признава дека е изненаденa од прогресот на Ферари ПЕ за 2015 сезоната: "Тоа е многу голем напредок. Тие имаат направено навистина добра работа и јас сум пријатно изненадена. Секој тим има потреба од таков вид на ПЕ, никогаш не е само до болидот, треба да го имате вистинскиот пакет во целина."
Сепак, Роб Смедли вели дека тимот на Вилијамс има најголем потенцијал да напредува од останатите Ф1 тимови: "Она што го гледам е огромна промена во менталитетот на Вилијамс во текот на изминатите 12 месеци. Воздушниот тунел прави фантастична работа со зголемените перформанси кои ги добива нашиот болид, а момците од одделот за механички дизајн успешно си ја вршат својата работа. Имаме безбеден, издржлив и добро избалансиран болид, така да ние треба само да продолжиме со одличната работа. Не би бил скромен, но верувам дека ние како тим можеме да ги победиме сите останати тимови."
