ПИРЕЛИ ГИ НОМИНИРАШЕ ГУМИТЕ ЗА ПРВИТЕ ЧЕТИРИ ТРКИ

Пирели го номинираше гумите кои ќе се користат на трките во Австралија, Малезија, Кина и Бахреин, т.е. првите четири трки од сезоната 2015. Иако новите гуми се еволуција на 2014 спектарот, со нова конструкција на задните гуми за порамномерно дистрибуирање на силите и загревањето, овие номинации се всушност исти како и оние кои беа направени од страна на Пирели за истите овие трки од минатата година.

Во Австралија, Пирели ќе ги донесе Белите медим и Жолтите меки смеши кои се добро прилагодени на различните барања и широкиот спектар на потенцијални временски услови на полу-постојаната патека Алберт Парк во Мелбурн.

За патеката Сепанг во Малезија која е добро позната по својот абразивен асфалт и високите температури, најдобриот избор според Пирели се Портокаловите тврди и Белите мадиум смеши за втората трка од сезоната.

Белите медиум и Жолтите меки гуми се номинирани за Кина, најдобар избор за очекуваната релативно висока деградација како резултат на тешкиот распоред на патеката, што доведува до блиска борба и многу стратегија.

Истите Бели медиум и Жолти меки смеши ќе се користат и во Бахреин, разновидна патека, особено тешка за задните гуми, каде што трката започнува во доцните попладневни часови, а завршува во вечерните часови. Ова води до намалување на амбиенталната температура како што се одвива трката.

	ЦРВЕНИ	ЖОЛТИ	БЕЛИ	ПОРТОКАЛОВИ
АВСТРАЛИЈА		МЕКИ	МЕДИУМ
МАЛЕЗИЈА			МЕДИУМ	ТВРДИ
КИНА		МЕКИ	МЕДИУМ
БАХРЕИН		МЕКИ	МЕДИУМ