2015 БАХРЕИН ГП: ФЕРАРИ НАЈБРЗ НА ПРВИОТ СЛОБОДЕН ТРЕНИНГ

Ферари не може да биде победен на патеки каде има многу жешко време, а со тоа и високи температури на асфалтот. Тоа беше случај и со првиот слободен тренинг за Големата Награда на Бахреин, каде го забележаа најбрзото време. Но, голема штета за нив е што оваа прва тренинг сесија нема некоја поголема вредност во подесувањето на болидот, бидејќи квалификациите и трката се одржуваат на зајдисонце, кога имаме целосно различни тркачки услови.

Ф1 тимовите некако премногу лежерно се однесуваа, па така имаме многу "чудни" времиња и распоред на табелата, особено на болидите на сребрените стрели. Друг факт што го потврдува ова е тоа што најбрзото време на СТ1 е побавно од тоа забележано на минатогодишната прва сесија на Луис Хамилтон од 1:37.502, нешто што не беше практика на минатите тркачки викенди од оваа сезона.

Она што би можела да го истакнеме се проблемите на Џенсон Батон, кој веќе во првите минути се изврте и неговиот болид застана на патеката. Редарите го однесоа МП4-30 во нивната гаража, каде и остана до крајот на сесијата. Тимот на Ферари, исто така, со релативно мал број на комплетирани круга по проблемот на Себастијан Ветел, кога во еден момент Ферари ПЕ во неговиот болид ја изгуби моќноста. Од Ферари велат дека тоа бил само мал проблем со некој од сензорите, кој требало да биде поправен. Малиот број на круга бил поради сеуште многу правливата патека.

ПРВ СЛОБОДЕН ТРЕНИНГ

 П.     ВОЗАЧ             ТИМ           ВРЕМЕ      РАЗЛИКА КРУГОВИ
 1. Кими Раиконен       Ферари         1:37.827              13
 2. Себастијан Ветел    Ферари         1:38.029   +  0.202   12
 3. Валтери Ботас       Вилијамс       1:38.390   +  0.563   23
 4. Карлос Саинц ЈР.    Торо Росо      1:38.447   +  0.620   14
 5. Даниел Рикиардо     Ред Бул        1:38.455   +  0.628   17
 6. Макс Ферстапен      Торо Росо      1:38.504   +  0.677   22
 7. Фернандо Алонсо     Мекларен       1:38.598   +  0.771   18
 8. Фелипе Наср         Заубер         1:38.628   +  0.801   17
 9. Дањил Квјат         Ред Бул        1:38.661   +  0.834   17
10. Фелипе Маса         Вилијамс       1:38.790   +  0.963   21
11. Серџо Перез         Форс Индија    1:38.793   +  0.966   15
12. Пастор Малдонадо    Лотус          1:38.842   +  1.015   23
13. Нико Хулкенберг     Форс Индија    1:39.187   +  1.360   20
14. Џолион Палмер       Лотус          1:39.283   +  1.456   31
15. Нико Розберг        Мерцедес АМГ   1:39.293   +  1.466   23
16. Луис Хамилтон       Мерцедес АМГ   1:39.532   +  1.705   22
17. Маркус Ериксон      Заубер         1:39.534   +  1.707   21
18. Вил Стивенс         Манор          1:42.973   +  5.146   12
19. Роберто Мери        Манор          1:44.265   +  6.438   15
20. Џенсон Батон        Мекларен       без поставено време    2

2014: Луис Хамилтон       Мерцедес АМГ   1:37.502