2016 КАНАДА ГП: МЕРЦЕДЕС АМГ ПРЕТПЛАТЕН НА ПРВОТО МЕСТО

Луис Хамилтон го забележа најбрзото време на првиот тренинг за Големата Награда на Канада. Нашиот впечаток е дека Мерцедес АМГ останува најбрз тим на патеката, но она што паѓа во очи е неконзистентните времиња помеѓу смешите на Пирели. Ултра-меката гума не беше и најбрзата смеша, туку се зависеше од умешноста на возачот да комплетира еден брз круг без проблеми. Најверојатно за ова допринесе и релативно ладното време од само 13 степени целзиусови во Монтреал. Исто така, за поголем грип е потребно време и гумирање на асфалтот, па голем дел од возачите имаа излети надвор од патеката. Тоа особено беше изразено при влез во финалниот свиок.

Најголемиот инцидент го имаше Фелипе Маса, на половина час од тренингот, кога при сопирање за влез во првиот свиок, изгуби контрола врз задниот дел од болидот и заврши во бариерите покрај патеката, уништувајќи го задното крило и амортизацијата на задните тркала. Беше покажано црвено знаме, а расчистувањето на болидот траеше околку 15-тина минути.

Покрај Мерцедес АМГ, Ферари и Ред Бул се тимовите кои покажаа перформанси за пласман на Победничкиот подиум. Загрижува фактот што наместо Ферари да се доближуваат до Сребрените Стрели, тие стагнираат, а Ред Бул опасно им се доближува до нивното ниво на брзина. Да не донесуваме пред време заклучоци, па да го почекаме вториот тренинг кој започнува во 20:00 часот по македонско време, интервал кога ќе се одржува и самата трка во недела.

ПРВ СЛОБОДЕН ТРЕНИНГ

 П.     ВОЗАЧ          ТИМ         ВРЕМЕ   РАЗЛИКА КРУГA
 1. Луис Хамилтон    Мерцедес АМГ 1:14.755          22
 2. Нико Розберг     Мерцедес АМГ 1:15.086 + 0.331  30
 3. Себастијан Ветел Ферари       1:15.553 + 0.488  22
 4. Макс Ферстапен   Ред Бул      1:15.618 + 0.798  29
 5. Кими Раиконен    Ферари       1:15.656 + 0.863  23
 6. Валтери Ботас    Вилијамс     1:16.301 + 1.546  30
 7. Нико Хулкенберг  Форс Индија  1:16.464 + 1.709  24
 8. Карлос Саинц ЈР. Торо Росо    1:16.543 + 1.788  21
 9. Серџо Перез      Форс Индија  1:16.577 + 1.822  25
10. Фернандо Алонсо  Мекларен     1:16.663 + 1.908  18
11. Даниел Рикиардо  Ред Бул      1:16.734 + 1.979  28
12. Џенсон Батон     Мекларен     1:16.788 + 2.033   8
13. Роман Грожан     Хас          1:17.065 + 2.310  22
14. Фелипе Маса      Вилијамс     1:17.261 + 2.506   7
15. Дањил Квјат      Торо Росо    1:17.310 + 2.555  24
16. Естебан Гутиерез Хас          1:17.319 + 2.564  24
17. Фелипе Наср      Заубер       1:18.103 + 3.348  21
18. Рио Харјанто     Манор        1:18.128 + 3.374  21
19. Маркус Ериксон   Заубер       1:18.409 + 3.497   8
20. Кевин Магнусен   Рено         1:18.453 + 3.654  13
21. Паскал Верлајн   Манор        1:18.583 + 3.698  30
22. Џолион Палмер    Манор        1:19.051 + 3.828  28

* 2014: Фернандо Алонсо - Ферари - 1:17.238
* 2015: Луис Хамилтон - Мерцедес АМГ - 1:16.212