2016 УНГАРИЈА ГП: ЗАСТРАШУВАЧКА ПРВА ТРЕНИНГ СЕСИЈА НА МЕРЦЕДЕС АМГ

Застрашувачка сесија за конкурентите на Мерцедес АМГ, Ферари и Ред Бул, со разлика помеѓу нив речиси две секунди. Ред Бул можеби има и некоја резерва да го победи Ферари, бидејќи не возеа на супер-меките гуми, но Сребрените стрели изгледаат недостижни. Зад првите шест, солидно утро за Мекларен со Алонсо и Батон на седма и осма позиција на табелата. Во најбрзите десет влегоа со по еден болид Хас и Форс Индија, со помош на Грожан и Перез, соодветно.

Невообичаено за Хунгароринг, но се почесто во последните сезони, е дождливото време. За време на почетокот на првиот тренинг патеката се уште беше релативно влажна од дождот што заврна утрината, па така првите излегувања беа со интермедиа гуми, а не на медиум, меки или супер-меки гуми на Пирели кои се номинирани за овој викенд.

Неколку промени на возачи за време на претпладневната тренинг сесија, Естебан Окон го возеше болидот на Кевин Магнусен во Рено, додека Чарлс Леклерк имаше уште еден настап во болидот на Хас на местото од Естебан Гутиерез. Првите возачи ќе се вратат во нивните болиди за попладневната тренинг сесија која започнува во 14:00 часот по македонско време.

2016 УНГАРИЈА ГП - ПРВ СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА  К.
 1. Луис Хамилтон    Мерцедес АМГ 1:21.347          34
 2. Нико Розберг     Мерцедес АМГ 1:21.584 + 0.237  34
 3. Себастијан Ветел Ферари       1:22.991 + 1.644  22
 4. Кими Раиконен    Ферари       1:23.082 + 1.735  19
 5. Даниел Рикардо   Ред Бул      1:23.174 + 1.827  28
 6. Макс Ферстапен   Ред Бул      1:23.457 + 2.110  27
 7. Фернандо Алонсо  Мекларен     1:23.935 + 2.588  28
 8. Џенсон Батон     Мекларен     1:23.961 + 2.614  18
 9. Роман Грожан     Хас          1:24.015 + 2.668  22
10. Серџо Перез      Форс Индија  1:24.073 + 2.726  29
11. Нико Хулкенберг  Форс Индија  1:24.120 + 2.773  29
12. Фелипе Маса      Вилијамс     1:24.154 + 2.807  27
13. Валтери Ботас    Вилијамс     1:24.370 + 3.023  33
14. Карлос Саинц ЈР. Торо Росо    1:24.579 + 3.232  27
15. Маркус Ериксон   Заубер       1:24.981 + 3.634  19
16. Чарлс Леклерк    Хас          1:25.181 + 3.834  22
17. Фелипе Наср      Заубер       1:25.256 + 3.909  18
18. Естебан Окон     Рено         1:25.260 + 3.915  28
19. Данил Квјат      Торо Росо    1:25.324 + 3.977  16
20. Рио Харјанто     Манор        1:27.012 + 5.665  23
21. Паскал Верлајн   Манор        1:27.249 + 5.902   9
22. Џолион Палмер    Рено         1:28.560 + 7.215   6

* 2014: Луис Хамилтон - Мерцедес АМГ - 1:25.814
* 2015: Луис Хамилтон - Мерцедес АМГ - 1:25.141

Ветел умешно се спаси од извртување...

Болидот на Алонсо го бара најкраткиот пат...

Вториот пат не му успеа...