2016 УНГАРИЈА ГП: МЕРЦЕДЕС АМГ НАЈБРЗ, НО ХАМИЛТОН ЗАВРШИ ВО БАРИЕРИТЕ

Повторно Мерцедес АМГ со најбрзото време, но на оваа сесија со Нико Розберг на врвот. Луис Хамилтон се наоѓа на 5-тото место од табелата, но благодарение само на преголемото форсирање од негова страна, при што се изврте на патеката и заврши со страничен судир со бариерите. Со тоа неговата сесија заврши еден час пред нејзиниот официјален крај.

Тоа го искористија болидите на Ред Бул и Ферари за второто и трето најбрзо време, но разликата е огромна како планина на толку кратко растојание, па кога ќе се помножи со круговите во трка речиси е невозможно некој од нив да се вмеша во борба за Пол позицијата или Победа на неделната трка. Според неофицијалните информации од лице место, Ферари ќе треба да ги менува турбо полначите на своите болиди, по што може да следи и некоја казна за нив. Updatе: Тоа ќе биде четврт Турбо кај Ветел, па за сега нема казни.

Секако најпријатно изненадување на денот се болидите на Мекларен, кои повторно се најдоа во топ 8 пласманот, победувајќи ги за малку болидите на Форс Индија, со Алонсо и Батон на седма и осма позиција на табелата, пред Хулкенберг и Перез. Квалификационата сесија за Големата Награда на Унгарија е утре, сабота, со почеток во 14:00 часот.

2016 УНГАРИЈА ГП - ВТОР СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА  К.
 1. Нико Розберг     Мерцедес АМГ 1:20.435          45
 2. Даниел Рикиардо  Ред Бул      1:21.030 + 0.595  36
 3. Себастијан Ветел Ферари       1:21.348 + 0.915  31
 4. Макс Ферстапен   Ред Бул      1:21.770 + 1.335  35
 5. Луис Хамилтон    Мерцедес АМГ 1:21.960 + 1.525   4
 6. Кими Раиконен    Ферари       1:22.058 + 1.623  46
 7. Фернандо Алонсо  Мекларен     1:22.328 + 1.893  21
 8. Џенсон Батон     Мекларен     1:22.387 + 1.952  34
 9. Нико Хулкенберг  Форс Индија  1:22.449 + 2.014  41
10. Серџо Перез      Форс Индија  1:22.653 + 2.218  38
11. Естебан Гутиерез Хас          1:22.673 + 2.238  38
12. Фелипе Маса      Вилијамс     1:22.681 + 2.246  39
13. Карлос Саинц ЈР. Торо Росо    1:22.689 + 2.254  24
14. Валтери Ботас    Вилијамс     1:22.773 + 2.338  38
15. Роман Грожан     Хас          1:22.864 + 2.429  28
16. Данил Квјат      Торо Росо    1:22.948 + 2.515  43
17. Кевин Магнусен   Рено         1:23.347 + 2.912  41
18. Маркус Ериксон   Заубер       1:23.437 + 3.002  36
19. Џолион Палмер    Рено         1:23.528 + 3.093  12
20. Фелипе Наср      Заубер       1:23.986 + 3.551  31
21. Паскал Верлајн   Манор        1:23.992 + 3.557  22
22. Рио Харјанто     Манор        1:24.265 + 3.830  36

* 2014: Луис Хамилтон - Мерцедес АМГ - 1:24.482
* 2015: Луис Хамилтон - Мерцедес АМГ - 1:23.949

Хамилтон со најголемото излетување на денот...