2016 БРИТАНСКО ГП: КВАЛИФИКАЦИИ СО МНОГУ ИЗБРИШАНИ ВРЕМИЊА, ЛУИС НА ПОЛ

Луис Хамилтон го имаше најбрзото време и на квалификациите за Британското Гран При, а дополнителна мотивација беше неговата домашна публика која му приреди прекрасен пречек на патеката Силверсоун. Актуелниот Ф1 шампион беше речиси три десетинки побрз од тимскиот колега, Нико Розберг на втората позиција, со што по кој знае кој пат ќе стартуваат од првиот ред. Ред Бул успеа да стигне до вториот ред, и за прв пат Даниел Рикиардо беше победен од својот тимски колега од кога му се придружи на овој тим. Тоа му успеа на Макс Ферстапен, младиот Холанѓанец, кој со секоја трка ни прикажува дека шампионска иднина е пред него.

Следуваат возачите на Ферари, Кими Раиконен, пред изнервираниот Себастијан Ветел. Германецот имаше големo пролизгување низ Стоув свиокот, што го стави зад својот тимски колега, но за малку пред Валтери Ботас. По примената на казната тој ќе стартува од 11-тата позиција. Во сесија кога стјуардите избришаа многу времиња, повеќето за време на квалификациите, но со случајот на Нико Хулкенберг, тоа беше направено по финишот па така иако заврши како осми, таа позиција му ја препушта на Карлос Саинц ЈР.. Хулкенберг беше деградиран на деветто место, а истатата судбина го најде и Фернандо Алонсо, па мораше да се задоволи со 10-тата позиција.

Појаснување колку да нема забуни зошто некои времиња беа избришани, некои не. Пред почетокот на викендот било договорено со сите возачи дека "нулта толеранција" за лимитите на патеката ќе биде применувана само за свиоците со број 9,15 и 18, бидејќи тие биле означени како места каде може да се стекне дополнителна, нефер предност. Трка на Големата Награда на Британија ќе стартува утре, Недела, во стандардниот термин за Европа, 14:00 часот, со пренос на Македонската телевизија.

2016 БРИТАНИЈА ГП - КВАЛИФИКАЦИИ

 П.     ВОЗАЧ           ТИМ        ВРЕМЕ   РАЗЛИКА
 1. Луис Хамилтон    Мерцедес АМГ 1:29.287
 2. Нико Розберг     Мерцедес АМГ 1:29.606 + 0.319
 3. Макс Ферстапен   Ред Бул      1:30.315 + 1.026
 4. Даниел Рикиардо  Ред Бул      1:30.618 + 1.331
 5. Кими Раиконен    Ферари       1:30.881 + 1.594
 6. Себастијан Ветел Ферари       1:31.490 + 2.203
 7. Валтери Ботас    Вилијамс     1:31.557 + 2.270
 8. Нико Хулкенберг  Форс Индија  1:31.920 + 2.633
 9. Карлос Саинц ЈР. Торо Росо    1:31.989 + 2.702
10. Фернандо Алонсо  Мекларен     1:32.343 + 3.056
   Q2 Најбрзо време: Луис Хамилтон 1:29.243       
11. Серџо Перез      Форс Индија  1:31.875 + 2.632
12. Фелипе Маса      Вилијамс     1:32.002 + 2.759
13. Роман Грожан     Хас          1:32.050 + 2.807
14. Естебан Гутиерез Хас          1:32.241 + 2.998
15. Данил Квјат      Торо Росо    1:32.306 + 3.063
16. Кевин Магнусен   Рено         1:37.060 + 7.817
   Q1 Најбрзо време: Нико Розберг 1:30.724        
17. Џенсон Батон     Мекларен     1:32.788 + 2.064
18. Џолион Палмер    Рено         1:32.905 + 2.181
19. Рио Харјанто     Манор        1:33.098 + 2.374
20. Паскал Верјалн   Манор        1:33.151 + 2.427
21. Фелипе Наср      Заубер       1:33.544 + 2.820
22. Маркус Ериксон   Заубер        не учествуваше
    107% време: 1:37.075

КРУГОТ НА ХАМИЛТОН ЗА ПОЛ ПОЗИЦИЈА...

БОЛИДОТ САКАШЕ ДА ДРИФТА, ВЕТЕЛ СПАСИ ШТО МОЖЕШЕ ДА СЕ СПАСИ...