НИКО РОЗБЕРГ УБЕДЛИВО НАЈБРЗИОТ ВОЗАЧ НА ДЕНОТ

Денешните тренинг сесии за Големата Награда на Германија, на патеката Хокенхајмринг, поминаа без некои поголеми возбудувања. Мерцедес АМГ повторно со најбрзите времиња и повторно Нико Розберг сега со четири десетинки пред Луис Хамилтон. Борбата ќе се одива помеѓу Ферари и Ред бул за тоа кој ќе се пласира зад сребрените стрели. Во предност е Ферари, но и големи проблеми со деградација на Пирели гумите. Како никогаш досега Ветел беше многу нервозен во радио комуникацијата со својот тркачки инженер, навестувајќи дека тензиите во Ферари се на едно повисоко ниво по заминувањето на Џејмс Алисон.

Џенсон Батон и Фернандо Алонсо се подобри и подобри во болидите на Мекларен, но Британецот по само 16 круга мораше да ја напушти својата гаража и замине до најблиската болница поради иритација на очите. Кога сме кај темпото за трка, Мерцедес АМГ има барем половина секунда предност пред останатите, Ред Бул е малку побрз од Ферари, но пред се поради деградацијата на гумите, проблем на кој што се жалеа повеќе тимови. Сепак, во текот на викендот се очекува поладно време, со што овој проблем не би бил толку изразен.

Повторно главна карактеристика беа радио предупредувањата кон возачите за почитување на лимитите на патеката при првиот свиок, каде сензорите на ФИА забележале нас 100-тина излегувања, од кои 17 се на Макс Ферстапен. Возачите за Квалификационата сесија и Трката во недела, ќе имааат максимално три вакви излети надвор од белата линија која го означува крајниот дел на патеката со сите 4 тркала

2016 ГЕРМАНИЈА ГП - ВТОР СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА  К.
 1. Нико Розберг     Мерцедес АМГ 1:15.614          43
 2. Луис Хамилтон    Мерцедес АМГ 1:16.008 + 0.394  36
 3. Себастијан Ветел Ферари       1:16.208 + 0.594  39
 4. Макс Ферстапен   Ред Бул      1:16.456 + 0.842  40
 5. Даниел Рикардо   Ред Бул      1:16.490 + 0.876  38
 6. Кими Раиконен    Ферари       1:16.512 + 0.898  45
 7. Нико Хулкенберг  Форс Индија  1:16.781 + 1.167  43
 8. Џенсон Батон     Мекларен     1:17.087 + 1.473  16
 9. Серџо Перез      Форс Индија  1:17.148 + 1.534  44
10. Фернандо Алонсо  Мекларен     1:17.225 + 1.611  21
11. Карлос Саинц ЈР. Торо Росо    1:17.342 + 1.728  32
12. Данил Квјат      Торо Росо    1:17.367 + 1.753  38
13. Валтери Ботас    Вилијамс     1:17.425 + 1.811  44
14. Роман Грожан     Хас          1:17.602 + 1.988  14
15. Фелипе Маса      Вилијамс     1:17.686 + 2.072  40
16. Естебан Гутиерез Хас          1:18.005 + 2.391  42
17. Кевин Магнусен   Рено         1:18.056 + 2.442  46
18. Маркус Ериксон   Заубер       1:18.130 + 2.516  28
19. Паскал Верлајн   Манор        1:18.193 + 2.579  42
20. Џолион Палмер    Рено         1:18.315 + 2.699  47
21. Рио Харјанто     Манор        1:18.591 + 2.977  47
22. Фелипе Наср      Заубер       1:19.295 + 3.681  41

* 2014: Луис Хамилтон - Мерцедес АМГ - 1:18.341
* 2015: /

Хамилтон гневен, сакаше да изгази фотографи

За малку ќе полеташе...

Рикиардо во акција...

Нервозниот Ветел...