2016 БЕЛГИЈА ГП: РЕЗУЛТАТИ ОД ПРВИОТ ТРЕНИНГ

Со првиот слободен тренинг за Големата Награда на Белгија започна вториот дел од сезоната. Постигнатите времиња на предпладневната сесија секогаш ги земаме со поголема резерва и ни даваат релативна слика на перформансите на Ф1 тимовите, но некои заклучоци не се тешки за донесување, а тоа е брзината на Мерцедес АМГ. Нивните болиди повторно се најбрзите, иако Розберг и Хамилтон беа единствените возачи што ги користеа супер-меките гуми.

Добар настап имаа возачите на Форс Индија, особено Серџо Перез, кој го забележа четвртото најбрзо време, успевајќи да биде подобар од Ферарито на Себастијан Ветел.

Естебан Окон, новиот возач на Манор, заслужува да биде споменат на неговото деби, бидејќи успеа да биде подобар од својот тимски колега и тоа за цела секунда.

Многу Проблеми за тимот на Хас и Мекларен, а Фернандо Алонсо беше единствениот возач кој не успеа да комплетира нити еден круг. Неговиот мотор ќе биде заменет, по откриеното истекување на вода.

Вториот тренинг започнува во 14:00 МК.

ПРВ СЛОБОДЕН ТРЕНИНГ

 П.    ВОЗАЧ           ТИМ         ВРЕМЕ   РАЗЛИКА КРУГА
 1. Нико Розберг     Мерцедес АМГ 1:48.348           27
 2. Луис Хамилтон    Мерцедес АМГ 1:49.078 + 0.730   25
 3. Кими Раиконен    Ферари       1:49.147 + 0.799   24
 4. Серџо Перез      Форс Индија  1:49.274 + 0.926   23
 5. Себастијан Ветел Ферари       1:49.768 + 1.420   19
 6. Даниел Рикардо   Ред Бул      1:49.782 + 1.434   24
 7. Макс Ферстапен   Ред Бул      1:49.865 + 1.517   24
 8. Нико Хулкенберг  Форс Индија  1:50.088 + 1.740   21
 9. Валтери Ботас    Вилијамс     1:50.394 + 2.046   31
10. Естебан Гутиерез Хас          1:50.583 + 2.235   21
11. Роман Грожан     Хас          1:50.899 + 2.551   18
12. Фелипе Маса      Вилијамс     1:51.122 + 2.774   28
13. Маркус Ериксон   Заубер       1:51.125 + 2.777   16
14. Карлос Саинц ЈР. Торо Росо    1:51.424 + 3.076   17
15. Фелипе Наср      Заубер       1:51.768 + 3.420   19
16. Естебан Окон     Манор        1:51.787 + 3.439   26
17. Данил Квјат      Торо Росо    1:52.308 + 3.960   19
18. Џенсон Батон     Мекларен     1:52.407 + 4.059   18
19. Паскал Верлајн   Манор        1:52.873 + 4.489   23
20. Кевин Магнусен   Рено         1:53.053 + 4.705   20
20. Џолион Палмер    Рено         1:53.089 + 4.741   20
20. Фернандо Алонсо  Мекларен      без поставено време

* 2014: Нико Розберг - Мерцедес АМГ - 1:51.577
* 2015: Нико Розберг - Мерцедес АМГ - 1:51.082

Ферстапен во акција....

Окон имаше и незгода во својот бокс....

Грожан на прошетка надвор од патеката....