ИНТРИГАНТНИ РЕЗУЛТАТИ НА ВТОРИОТ ТРЕНИНГ

Макс Ферстапен со болидот на Ред Бул го постави најбрзото време нa вториот петочен тренинг, а неговиот тимски колега, Даниел Рикиардо беше втор за 1-2 пласман на табелата. Австралијанецот пак беше за три десетинки побрз од Нико Хулкенберг со болидот на Форс Индија.

Во првата сесија Ферстапен заврши на седмото место, зад Рикиардо. Дел од причината за тоа беше и одлуката на Мерцедес АМГ да ги употреби супер-меките гуми, додека нивните конкуренти се држеа до традицијата и ја чуваа најмеката смеша на Пирели за попладневниот тренинг. Со тоа се овозможи да се има натпрвар помеѓу останатите тимови, битка која ја доби младиот Холанѓанец, бодрен од многубројните негови фанови на трибините.

Себастијан Ветел со Ферари беше четврти најбрз, но со големо заостанување од 0.938 зад најбрзото време. По него следуваше, Серџо Перез, со петтото и Нико Розберг со шестото најбрзо време. Неговиот најдобар круг беше забележан на меките гуми на Пирели.

Кими Раиконен во вториот Ферари беше седми најбрз, пред болидот на Хас со Роман Грожан зад неговиот волан. Џенсон Батон и Естебан Гутиерез го комплетираа топ 10 пласманот на овoј втор слободен тренинг. Британецот ја користеше новата надградена ПЕ на Хонда, со охрабрувачки резултат за Мекларен по проблематичната утринската сесија во која Фернандо Алонсо успеа да излезе само три пати на патеката, но без да комплетира еден целосен круг.

Шпанецот со целосно променета ПЕ во попладневните часови комплетираше 30 круга и го имаше 12-тото најбрзо време, но новиот мотор значи многу позиции поназад за стартот на неделната трка.

Лидерот во шампионатот Луис Хамилтон заврши на 13-тото место на табелата, а за поставување на брзите кругови тој ја користеше необележаната, прототип мека гума на Пирели. Тој исто така доби нови делови на Мерцедес ПЕ, со што ќе има дополнителни 15 места поназад, вкупно триесет за сега. Има најава за нови делови и за утрешниот тренинг со што ќе се пополни потребната залиха за делови за преостанатиот дел од сезоната.

Саботниот тренинг започнува утре во 11:00 MK, додека Квалификациите се во стандардниот термин од 14:00 часот. Тимовите се соочуваат со голема деградација на гумите, поради невообичаено топлото време за СПА-Франкоршамп. Во нив лежи и причината за интригантните позиции на табелата, и како што кажаа од Ферари: Може многу да се добие, но и да се изгуби, ако сонцето продолжи да го загрева асфалтот на оваа култна Ф1 патека

ВТОР СЛОБОДЕН ТРЕНИНГ

 П.     ВОЗАЧ          ТИМ         ВРЕМЕ   РАЗЛИКА КРУГА
 1. Макс Ферстапен   Ред Бул      1:48.085           27
 2. Даниел Рикиардо  Ред Бул      1:48.341 + 0.256   27
 3. Нико Хулкенберг  Форс Индија  1:48.657 + 0.572   30
 4. Себастијан Ветел Ферари       1:49.023 + 0.938   27
 5. Серџо Перез      Форс Индија  1:49.100 + 1.015   27
 6. Нико Розберг     Мерцедес АМГ 1:49.161 + 1.076   33
 7. Кими Раиконен    Ферари       1:49.244 + 1.159   30
 8. Роман Грожан     Хас          1:49.419 + 1.334   20
 9. Џенсон Батон     Мекларен     1:49.419 + 1.334   23
10. Естебан Гутиерез Хас          1:49.648 + 1.563   23
11. Паскал Верјалн   Манор        1:49.716 + 1.631   31
12. Фернандо Алонсо  Мекларен     1:49.772 + 1.687   30
13. Луис Хамилтон    Мерцедес АМГ 1:49.782 + 1.697   33
14. Данил Квјат      Торо Росо    1:49.916 + 1.831   25
15. Маркус Ериксон   Заубер       1:50.083 + 1.998   27
16. Валтери Ботас    Вилијамс     1:50.151 + 2.065   19
17. Фелипе Маса      Вилијамс     1:50.157 + 2.072   29
18. Карлос Саинц ЈР. Торо Росо    1:50.194 + 2.109   25
19. Кевин Магнусен   Рено         1:50.375 + 2.290   34
20. Џолион Палмер    Рено         1:50.562 + 2.477   32
21. Естебан Окон     Манор        1:50.659 + 2.574   25
22. Фелипе Наср      Заубер       1:50.719 + 2.634   24

* 2014: Луис Хамилтон - Мерцедес АМГ - 1:49.189
* 2015: Нико Розберг - Мерцедес АМГ - 1:49.385

Нервозата кај Ветел/Ферари, присутна и на овoј викенд...