ЕКСКЛУЗИВНО: ПРВИ ФОТОГРАФИИ ОД ПОГОЛЕМИТЕ 2017 Ф1 ГУМИ

MkFormula1

8/01/2016 03:49:00 PM

Денес на патеката Фиорано, Италија, започна да се спроведува програмата на Пирели за тестирање на новите, пошироки Формула 1 гуми за 2017 сезоната, со Себастијан Ветел зад воланот на Ферари SF15-T, кој е специјално модифициран за да се симулираат новите правила за аеродинамиката и приспособен на 2017 гумите во вистинската нивна големина. Четирикратниот Ф1 Шампион ќе тестира цел ден, додека во текот на утрешниот ден, 2 Август, болидот ќе го преземе Естебан Гутиерез, тековниот возач на Хас.

Оваа тест сесија е планирана за 2017 гумите за дожд, па по само неколку инсталациски круга на мазните гуми во утринските часови, Ветел повеќе внимание посвети на зелените Pirelli Cinturato Intermedia и плавите Pirelli Cinturato Full Wet на вештачки навлажнетата патека. Со нагазна површина за 25% поголема од сегашната големина, посебно внимание е потребно кога станува збор за истражување и развој на овие гуми за влажно време, кои треба да бидат способни за истиснување на уште поголема количина на вода.