2016 ИТАЛИЈА ГП: МОНЦА МЕСТО КАДЕ МЕРЦЕДЕС Е НАЈМОЌЕН

На попладневниот тренинг најбрзиот круг го имаше Луис Хамилтон, сега тој со 0,194 секунди подобро време од својот тимски колега, Нико Розберг. Она што радува е фактот што Ферари ја намали разликата за половина и сега е за 0,453 секунди зад Британецот, но не радува фактот што заостануваат 0.6 секунди и во тркачкото темпо. За разлика од минатата година кога Ред Бул не можеше да помисли на Топ 10 пласман, сега е веднаш зад болидите на Ферари.

Пријатно изненадување на денот се Мекларен, кој со Фернандо Алонсо успеа да го забележи седмото најбрзо време, иако пропушти половина од сесијата поради технички проблеми на неговиот болид. Многу малку случувања на патеката, од аспект на гледач, додека тимовите имаа полни раце работа за да ги подесат болидите како што сакаат нивните возачи.

Технички проблеми и за Естебан Окон, кој мораше да го паркира својот Манор покрај патеката по само 13-сет комплетирани круга, и не беше во можност да ја продолжи својата тест програма. За споредба, Џолион Палмер беше најактивниот возач со 45 комплетирани круга.

На своето деби во Монца, тимот на Хас, имаше успешен ден. Опремени со најновата верзија на Ферари ПЕ, Роман Грожан и Естебан Гутиерез изгледаа компетитивни, влегувајќи во најбрзите десет со еден болид.

Но, едно е тренинг, додека друго е она вистинското нешто кога ќе започнат квалификаците и самата трка. Утре не очекува Саботниот тренинг во 11:00 МК и Квалификациите кои започнуваат во 14:00 часот.

ВТОР СЛОБОДЕН ТРЕНИНГ

 П.    ВОЗАЧ           ТИМ         ВРЕМЕ   РАЗЛИКА КРУГА
 1. Луис Хамилтон    Мерцедес АМГ 1:22.801           40
 2. Нико Розберг     Мерцедес АМГ 1:22.994 + 0.193   42
 3. Себастијан Ветел Ферари       1:23.254 + 0.453   33
 4. Кими Раиконен    Ферари       1:23.427 + 0.626   28
 5. Макс Ферстапен   Ред Бул      1:23.732 + 0.931   25
 6. Даниел Рикиардо  Ред Бул      1:24.003 + 1.202   33
 7. Фернандо Алонсо  Мекларен     1:24.259 + 1.458   24
 8. Валтери Ботас    Вилијамс     1:24.299 + 1.498   41
 9. Роман Грожан     Хас          1:24.516 + 1.715   35
10. Џенсон Батон     Мекларен     1:24.549 + 1.748   28
11. Фелипе Маса      Вилијамс     1:24.556 + 1.755   20
12. Нико Хулкенберг  Форс Индија  1:24.587 + 1.786   40
13. Серџо Перез      Форс Индија  1:24.653 + 1.852   42
14. Естебан Гутиерез Хас          1:24.674 + 1.873   33
15. Маркус Ериксон   Заубер       1:24.981 + 2.180   25
16. Паскал Верлајн   Манор        1:25.083 + 2.282   38
17. Карлос Саинц ЈР. Торо Росо    1:25.240 + 2.439   31
18. Естебан Окон     Манор        1:25.275 + 2.474   13
19. Кевин Магнусен   Рено         1:25.555 + 2.754   39
20. Дањил Квјат      Ред Бул      1:25.614 + 2.815   33
21. Фелипе Наср      Заубер       1:25.643 + 2.842   31
22. Џолион Палмер    Рено         1:25.833 + 3.032   45

* 2014: Нико Розберг - Мерцедес АМГ - 1:26.225
* 2015: Луис Хамилтон - Мерцедес АМГ - 1:24.279