2016 МЕКСИКО ГП: ХАМИЛТОН ПОБРЗ ОД ВЕТЕЛ ЗА САМО 0.079 СЕКУНДИ

Шампионот со шампионско време на првиот слободен тренинг за Големата Награда на Мексико. Тој беше за 0,079 секунди побрз од Себастијан Ветел, кој со Ферари го имаше второто најбрзо време, поставено на меките гуми, за разлика од Мерцедесот кој беше на медиум гумите на Пирели. Интересно е што најбрзото време на Хамилтон беше забележано без да биде најбрз во нити еден од трите сектори. Ветел беше најбрз на првиот и вториот, додека миленикот на домашната публика, Серџо Перез беше најдобар во последниот дел од патеката.

Лидерот во шампионатот, Нико Розберг, го имаше само седмото најбрзо време, исто така, користејќи ги медиум гумите, додека Макс Ферстапен беше само 14-ти, поради прегревање на неговите сопирачки, при враќање во боксот на половина од тренинг сесијата. Резултат на тоа се само 10-те комплетирани кругови. Имавме и краток период на црвено знаме, кога десниот крај на предното крило на Зауберот на Фелипе Наср "експлодираше", засипувајќи ја патеката со голем број карбонски парчиња.

Од првиот тренинг не можеме да "прочитаме" многу за формата на тимовите, како и по обичај за тоа повеќе ќе помогне вториот тренинг кој започнува во 21 часот по македонско време.

2016 МЕКСИКО ГП - ПРВ СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА КРУГА
 1. Луис Хамилтон    Мерцедес АМГ 1:20.914          34
 2. Себастијан Ветел Ферари       1:20.993 + 0.079  23
 3. Кими Раиконен    Ферари       1:21.072 + 0.158  19
 4. Серџо Перез      Форс Индија  1:21.200 + 0.286  23
 5. Нико Хулкенберг  Форс Индија  1:21.409 + 0.495  23
 6. Валтери Ботас    Вилијамс     1:21.447 + 0.533  34
 7. Нико Розберг     Мерцедес АМГ 1:21.673 + 0.759  32
 8. Даниел Рикиардо  Ред Бул      1:21.727 + 0.815  27
 9. Фелипе Маса      Вилијамс     1:21.836 + 0.922  31
10. Данил Квјат      Торо Росо    1:22.215 + 1.301  29
11. Роман Грожан     Хас          1:22.500 + 1.586  21
12. Карлос Саинц ЈР. Торо Росо    1:22.563 + 1.649  32
13. Маркус Ериксон   Заубер       1:22.723 + 1.809  17
14. Макс Ферстапен   Ред Бул      1:22.877 + 1.963  10
15. Естебан Гутиерез Хас          1:22.910 + 1.996  23
16. Фернандо Алонсо  Мекларен     1:23.089 + 2.175  25
17. Фелипе Наср      Заубер       1:23.089 + 2.175  12
18. Џенсон Батон     Мекларен     1:23.342 + 2.428  24
19. Кевин Магнусен   Рено         1:23.556 + 2.642  32
20. Естебан Окон     Манор        1:24.083 + 3.169  30
21. Џолион Палмер    Рено         1:24.097 + 3.183  35
22. Паскал Верлајн   Манор        1:24.350 + 3.436  28

2015 Макс Ферстапен - Ред Бул - 1:25.990